¹ Awan gbigban ɔtɔn godo ɔ, ɔlɔ wli-wli lokpo non awan le Kana, galilée ayɛ Yesu enɔn le flɛn xoxo. ² Yesu kɔdo enukplaviye can yi ɛwɛndo na ɔlɔ wli-wli etɛnxue. ³ Ganxɛnmɛ na win kpo, Yesu enɔn lɔnɛn: "ye ŋde win" ⁴ Yesu ɖewu nɛn: ŋyɔnu ŋyinkɔ ekundo mlɔn kɔdo exɛn be wanan wu o? xo ganmɛn ŋkpɔn ba." ⁵ Enɔn lɔnan subɔviye: enu tɛtɛ na alɔnamiɔ miwɛ do eji." ⁶ Le exɛn mɛnɔ Juif yé be ɛsin lɛ koto (e kpɛn zɛn) kena ye nɔn zan le ye ɔkɔ nu zangbe atrokpo lete kena lokpo nɔn hɛn ɖikɛn jijɛ ɔwe alo ɔtɔn. ⁷ Yesu lɔnaye: miju ɔ ɛzɛn kɔ do kesin wɛ ye ju ɔ ɛzin ye kàkà bà ɔtomɛ na yé. ⁸ Kplando Yesu lɔna esubɔviyé mi jin susu, sibɛ mi yi na subɔviyé. Mi jin susu, sibɛ mi yi na subɔviyée ŋkɔn nɔn" ye wɛ déji késin. ⁹ Subɔvi ye be ŋkɔnɔtɔ gbo ɔ tɛ ɛɖɛ ɛsiŋ kena yé lilɛ do zun win vɔ ye ŋɔn tina esɔn do ba vɔ subɔviye kéna sɔn jinŋ ye ŋyɔɛ fina elɛ̀ le exɛn wu, ye yɔ ɔlɔwlitɔ nusu ɔ exɛ ye lɔɛ nɛn: ¹⁰ "nusu ye tɛtɛ ɖo tɛnxue na win zantan tantɛn gbɔxue xe ba yi win kpikpɔ tɔn ganmɛ na ye nɔn nun zantan bo mua vɔ ɔyɔ ɔhin zanta wu kaka ba na sibɛ." ¹¹ Amlinan nun xeɔ le cana Galile yi ɔgbɔn mɛ na amlinan nu wiwa Yesu tɔn do kɔn eŋyinkɔ wu keslŋ wɛ enukplaviyé yi ejise. ¹² Exɛn egodo ejɛte ba Kapernaum; eyɔ, enɔn, enɔnviye kɔdo enukpaviyé eyɛ ye nɔn flɛn na awan gbigban vide. ¹³ Juifu yé é Paki azan ya gogo eyɛ̀ Yesu sɔn Jerusalɛm. ¹⁴ Ekpɔn ŋyinbu satɔ yé egbɔ ɔhɔnnɛ le cɔcixɔmɛn ɔholuɔtɔ can xinɔ̀n awan le flɛn. ¹⁵ Exin wu esro ekan da jɔhɔmɛn yanye tɛtɛ tɔn le cɔci xɔmɛn egbɔye ŋyibuye can le mɛ. ¹⁶ Ekikan ɔho nan ɔho luɔtɔ ye egba ye kplɔn. Elɔna ɔhɔnɛn satɔyé: "mibɛ enuxɛn ye lɛ lefi sɔn didɛn xue mitɔ enu sisa té lé xo tɔ exué mɛ ɖiken ɔximɛ kesiŋ" ¹⁷ Enukplaviyé ɖo ɔŋkunsi be ye wlan ɖa awan xoxo: "ezo le lanmɛ do ezanwu xue ɔxuemɛtɔ le binuŋ. ¹⁸ Ganke vɔ Juifu acɛkpatɔ ye le ewu ɖo nu nɛn "Enu kpikpɔn nɔn we la awan eyɛ ɔka ɖé xlɛ mi a do ji jɛ enu nɔn ɔwa ye o? ¹⁹ Yesu ɖewu na yé: " mi gba cɔci xɔ xɛn kaka na wangbigban ɔtɔn ma ɖo été." ²⁰ Acekpatɔ Juive ye tɔn lɔ be mi yi exue kanɖe atrokpo do tun cɔci xo xɛn eyɛ ɔyɔ be ya ɖo été le awangbigban ɔtɔ mɛn?" ²¹ Ɖekpekpe ɖe ɔ ele lɔ nu coci xɔ do zɔn eyɔ ŋtɔ ɛmɛn gbɛtɔ ɔwuju. ²² Fifɔn sɔn emɛn kuku xe mɛn egedo ɔ enukplaviyé do ɔŋkunsi be elɔ exɔ xɛn naye eyɛ ye yi enu wlilan jisé kesiŋ ké exo na Yesu lɔ esan can. ²³ Kena ele Jéruzalɛmu na Paki zan, le exuégbé ɔ ɛmɛn susu yi sé le eŋyinkɔ mɛn. Le é amliman nu wiwaye kpikpɔnmɛn. ²⁴ Vɔ ganke ɔ Yesu ŋjro be ya jo ye ɖé do nayé ɔ dobé enyo yé tɛtɛ. ²⁵ Ewutu ŋhian ɛmɛn gbɛtɔ yé be ɖaséɖiɖi ɖo ɛmɛn gbetɔ lokpo wuɔ dobé eyɔn enu nɛn le cyɔ ŋtɔ mɛn.