¹ Le ɔgbɔn mɛ jijɛ wɛ exo ɔ le, exoɔ lesan kɔdo Mawu eyɛxoxowɛ exo ŋyin Mawu. ² Ele xoxo kɔdo Mawu le ɔgbɔnmɛ jijɛ̀. ³ Enu ye tɛ̀tɛ̀ wɛ ŋyin wiwa zɔn eyɔji eye nutin keké unlé yé wa eyɔ inale emɛ o. ⁴ Emɛ wɛ ɛgbɛ le xoxo eyɛ ɛgbɛ xoxo ɔ kiklɛn wɛ enyin na ɛmɛ gbɛtɔyé tɛtɛ. ⁵ Kiklɛɔn ekɔn do ɔzuvluye mɛ eyɛ ɔzuvlu ye ŋyio. ⁶ Ŋusu de le awan san ke na Mawu zɔn xoxo ye nɔn yɔɛ be Jean. ⁷ Eba ɖikɛn ɖasefo na ado didase zɔn kiklɛn xu ɔ wu, na ɛmɛ tɛtɛ ado kpewu akandeji do zɔn eyɔ wu. ⁸ Jean le xoxo ɔ ŋ mayin kiklɛno, vɔɔ eba na ado ɖiɖase kiklɛntɔn. ⁹ Eye ŋyi xonugbo kiklɛn xoxo ke na kɔn ɛmɛ gbetɔ ye tɛtɛ, na ba ɛgbɛ mɛ wu. ¹⁰ Ele ɛgbɛ mɛ xoxo, ɛyɛ ɛgbɛ mɛ ŋyi wiwa zɔn eyɔ ji, eyɛ ɛgbɛmɛ ŋyɔɛ. ¹¹ Ezɔn ba etɔnyé ɖé vɔ exɔ ŋtɔ eton yɛtɔn ŋyio . ¹² Vɔ ɛmɛ tɛtɛ keya yi, kan deji lé eŋyikɔ mɛn ena yé ɛhwɛ jijɔ na ya do lɛzun Mauvi, ¹³ kena ye ŋji zɔnhun, do zɔn ejro lamɛnton mɛo, ejro ɛgbɛtɔho ɛmɛ, vɔ do zɔn Mawu ejromɛn. ¹⁴ Eyɛ exo ɔ lɛ̀zun elan eye ele ɛgbɛ xoxo le mi mɛn mikpɔn ekafu kafu, (gigo) gigo ɖiken ɛmɛ lokpo kena le le etɔ dé tɔn ejuɔkɔdo ɛmenu vive kɔdo xonugbo. ¹⁵ Jean le dase ɖinu do zɔn ewu kɔdo ahxa "ɛmɛn xo na ŋlɔ lɛxin: ɛmɛn na kplan xodo yé doe do ŋkɔn naŋ: dobé eba xoxo jɛ ɔŋkɔn na." ¹⁶ Zɔn eyɔ be jijɔ, miyi ɛmɛnu vivɛ do ɛmɛnu vivɛ ji . ¹⁷ Ɖo bé yi se xoxo yɛ Mois yira, ɛmɛnuvivɛ kodo xonugbo ba zɔn Yesu mɛn. ¹⁸ Ɛmɛntin ŋkpɔn Mawu ganxixo tɛtɛ tɔn kpɔn ɛmɛ lokpo eyɛ akongo mɛn, eyɔŋtɔ mawu kena le etɔ mɛn wɛ de xlɛ. ¹⁹ Ganmɛ na Juif yé zɔn ɔvɔsatɔyé kɔdo levitixé Jeruzalɛmu dohxlan be ya kan exo se Jean, ɖase ɖiɖi ye lɛxen: Mɛnɛ ɔŋyin? ²⁰ Ŋgbɛ o evo fè lɔxo do ɖa ɛxo wu " emlɔnmɛ ŋyi Kristo". ²¹ Exɛmɛɔ yé le kanusese wi "emɛnɛ wɛ ɔŋyin? ɔyɔ wɛ ŋyi Eli? elɔbe "mlɔn ŋyino" ye le lɔnu be ɔyɔ wɛ ŋyin lɔɖawantɔ? ɛdo ewu: "oo". ²² Sibɛ ye le lanu nɛ: " ɛmɛnɛ ɔŋyin" na miakpewu do kpɔn xoɖewu na ɛmɛn na zɔn mi yé? "made we ŋtɔ ɔlé lɔnu?" ²³ Eɖo ewu: "ɔyin egbé ɛmɛn na le axwa donu le zogbé tɔn " mi jo emɔn na ɔxuetɔ ɖikɛn nade na xolɔ dawantɔ Esaie labayi." ²⁴ Le eflɛmɔ farisinuyé emɛn zizɔn de ye leye le kanu se wu: ²⁵ "ŋxinkɔ wu ɔlé Mawusin lɛ na ɛmɛnyé kena ɔŋgbayin Kristo Eli xolɔ dawantɔ ti?" ²⁶ Jan lé ɖenu ewu na ye be: "mlɔn ŋlé lɛ nu mawusin na ɛnɛnyé kɔdo ɛsin ɖekpekpe ɖé ɛmɛn ɖe lé mi yé cicin mɛ kéna mi ŋyɔn . ²⁷ Ɛmɛn xeɔ wɛ ŋyin ɛme na kplan xodo mlɔ jɛ atoun efɔkpakan." ²⁸ Enu xɛn yé le jɛ̀ nu le Bethanie le Jordan be aga ɖe ɔji, efikena Jan leMawisin lɛ na ɛme yé lé. ²⁹ Awangbigban nakplɛndo, jan kpɔn yesu le gbɔnu ede eyɛ elɔ, "mikpɔnɖa, alɛnvi Mawutɔn kena nɔn ɖe nuvɔɛ le ɛgbɛmɛ. ³⁰ Ɛmɛn xo na ŋlɔ sanxoxo, ɛmɛn na legbɔnu le ɔgodo naŋ eyɛ ewuganŋ dobe ele xoxo jɛ ɔŋkɔn na ɔŋuɔ. ³¹ Mlɔn do jési wio vɔ ele kesin xoxo be ya de xlɛ Israël be na ɔŋbá kú ká lɛ̀ Mawusin kɔdo ɛ̀sin na ɛmɛn." ³² Jan ɖi ɖase: "ɔŋkpɔn gbigbɔ jɛte sɔn ɔjiwle dikɛn ɔhɔnɛ eyɛ enɔnte deji. ³³ Mlɔn ɔɔ gɔ do jesi hwio vɔ ɛmɛ na zɔŋ ɖo hwlan be ma lɛ mawusin na ɛmɛ le ɛsimɛn lɔnaŋ: ɛmɛ xin kenà ɔkàbà kpɔn gbigbɔ aɖiɖi jɛte eyɛ a nɔn eji, ɛmɛn xiɔn wɛ le gbigbɔ kikɔn be mawusin lɛ̀ nu. ³⁴ Oŋkpɔn eyɛ ɔŋ ɖiɖase be eŋyin mawu be vi. ³⁵ Awangbigban nɛn klɛndo na Jan le te kɔdo enukplavi ɔwue ³⁶ ekpɔn Yesu zɔnflɛn ba le yinu, eyɛ jan lɔbe: mikpɔn ɖa, ɛyɛxin alɛnvi Mawutɔn." ³⁷ Nukplavi ɔmeye se jan le lɔnu kesin eyɛ ye kplan Yesu do. ³⁸ Kesin wɛ Yesu lekɔ kpɔn yé jɛ ɔgbɔn mɛnɛ elɔ naye be: ŋyikɔ mile kanwo?" ye ɖéwu nɛn, " Rabbi (ɔgbɔnmɛ dide nukpla ɛmɛtɔ) finɔwue ɔnɔnon?" ³⁹ Eɖewu na ye : "mibà eyɛ mikpondà" kesiwuɛ ye zɔnba eyɛ ye kpɔn fenxue na enɔnon ye nɔn kɔdoe aza xɛngbe dobe gan xixo ɔsiɔsigɔ inɛn wɛ. ⁴⁰ Ɛmɛn lokpo le ɛmɛn ɔmonwué ye nɛn se Jan lɔxo eyɛ ye jɛ ɔgbon na Yesu, André wɛ ŋyin san, Simon Piyɛ enɔnvi. ⁴¹ Ekpɔn eyɔŋtɔ enɔnvi tantɛn Simon eyɛ elɔ nɛn be: "mikpɔn hwlɛngantɔ (Christi)" ⁴² Ye kploɛn ba na yesu yesu le kpɔnui eyɛ elɔ "eyɔ eŋyin Simon Jan eévi ye kàbà yɔ bé Cephas (egbɔmɛɖi ɖé eŋxin ɛkpɛn)." ⁴³ Awan gbigban nɛn kplaɛndo, ganmɛ na Yesu ka lɛ sɔn Galilee, edogo Philipu eyɛ elɔnɛn be kplan xodo. ⁴⁴ Eyɛ xe Philipu, Bethsaïda tɔ wɛ Andre kɔdo Piyɛ yé etɔmɛn. ⁴⁵ Philipu dogo Nathanael eyɛ elɔ nɛn: "ɛmɛn wu na moisi wlanudo kɔ do lɔɖawan tɔye le ɛsinmɛ mi dogoe Jesu, Josephu evi Nazareth vi jiji" ⁴⁶ Nathanael lɔni: " enu ŋyɔɛdé akpewu alɛ le Nazarethe a ba? Philipu lɔni: "ba eyè akpɔn" ⁴⁷ Jesu kpɔn nathanael legbɔnu ede eyɛ ele lɔ nu déwu "eyɛxe Israeliti tɔ xonugboton ke mɛn na ɛmɛn fluflu ŋleo". ⁴⁸ Nathanael lɔni: "nade ɔyon ŋdo?" Jesu ɖewu nɛn: "jè ŋkɔn na Philipu a do yɔ gan mɛ na ɔle ɔgbo tin gbɔn, ŋkpɔn." ⁴⁹ Natanael dewu "Rabi Mawu evi ɔŋyin! israël ɔxɔlu ɔŋyin" ⁵⁰ Yesu ɖewu "ɖobe ŋlɔnon be ŋle kpɔnu ɔ xoxo le egbotin gbɔn wutu wɛ ɔdo yise? ɔka ba kpɔ enu nɛn xwugan enuxinyé. ⁵¹ Eyɛ elɔ "le xonugbo-xonugbo mɛnon le lnu non, ɔka ba kpɔn ɔjihwlé nu ahun eyɛ Mawu delayé ya lé sɔnu ɔjiwlé ey ya le tejɛ nu do ɛmɛn gbetɔ evi ji.