¹ Farisinu tɔ ɖe le esan ye nɔn yɔɛ bé Nikodeme, Juifu yé ɔŋkɔn nɔntɔ. ² Nusunxɛn sɔn Yesu dé azan mɛn lɔ nɛn: "Rabi mi yɔɛ be ɔŋi enukpla ɛmɛtɔ lɛ le Mawu de ba. Ɖo be ɛmɛn ti keké ŋlé akpéwu awa amliman nu kena ɔlé wanu na Mawu ŋlé kɔdoe ò." ³ Yesu ɖewu: "le xonu gbo xonu gbo menɔ na ɛmɛ ɖe gblɔn ji eɖe o wa: ŋkpewu akpɔn mawu ɔxɔlutomɛ. ⁴ Nikodem dewu nɛn: "nadé ɛmɛn gbɛtɔ na kpoyɔn xo ɔ agɔgblɔn ji ede o? ŋkpewu a gɔ biɛ ɔdɔmɛ na enɔn na ya gɔ gblɔn jio?" ⁵ Yesu ɖewu nɛn: " le xonugbo xonugbo mɛ na ɛmɛn gbɛtɔ ɖe ŋgblɔn ji edé zɔn ɛsin kɔdo gbigbɔmɛ o wa ŋkpewo abiɛ ɔxɔluto Mawutɔn mɛn ò. ⁶ Enu na ye ji le elamɛn elan wɛ, eyɛ enu na ye ji le gbigbɔ mɛn gbigbɔ wɛ. ⁷ ŋka kpaca ɔ do enu na ŋlɔ nɔnwu o ɔ ɖoa gblɔnji xweɖe yɔyɔ" ⁸ Jɔhun nɔxɔ ɖo xwlan fi nɛn joe ɔ ɔnɔn sé exixo rɔɔŋyɔn fina elɛ léo kɔdo fina ele sɔ̀nuo kesin wɛ ele na emɛn na ye ji le gbigbɔ mɛn." ⁹ Nikodeme ɖewu: "naɖe exɛŋɔ kpewu atɛnŋ aŋyin wiva? ¹⁰ Yesu ɖewu "Israel nukplatɔ lokpo wɛ ɔŋyin eyɛ ɔŋse ɔgbɔ mɛ na enu xɛnye o? ¹¹ Le xonugbo xonugbo mɛ ɔ mi le exo lonu ɖo enu na mi yon wu eyɛ mi be le ɖase dinu do enu na mi kpɔn wu. Ganke miŋyigbe na miyee ɖase ɖiɖi. ¹² Na ŋlɔ awanzon ji enuye na mi eyɛ mi ŋyi ejise made wɛ na ŋgba le lɔnu ɔji hwle tɔn na mi ɔ mi a yi eji se ɔ. ¹³ Ɛmɛn tin ŋsɔn ɔji hwle tɔn vo na ɛmɛn na jete sɔn ɔji hwle ɛmɛn gbɛtɔ evi. ¹⁴ Ɖiken ma ɖe Moïse kɔkɔ edan sɔn ɔjihwle le zogbé kesinke wɛ ɛmɛn gbɛtɔ evi ɔ́ ya kɔkɔɛ sɔn ¹⁵ ɔjihwle exɛn wu ɔ na ɛmɛn ɖe yi ejise akpɔn ɛgbɛ makpo makpo. ¹⁶ Do be Mawu elɔn ɛgbɛ ɔ taŋ do yi evi akoŋgo yi na exɛn wo be ɛmɛn na ayi ejise ma ku o vɔ aɖo ɛgbɛ makpo-makpo. ¹⁷ Mawu yi evi do xwlan ɛgbɛɔ mɛ be ado ehwɛ do ɛgbɛ ɔ ò. Vɔ do wu be ɛgbɛ ɔ akpɔn hwlɛngan do zɔn eji. ¹⁸ Ɛmɛn kena a yi ejise ɔ ye do hwɛ deo vɔ ɛmɛn kena yi ejise a wa ye nɔn do ehwɛ enue wutu yi Mawu evi akoŋgo eŋyinkɔ jise. ¹⁹ Kojo ɖiɖo ehwɛ jijɔ, eyɛ ŋyin be kiklɛn ba ɛgbɛ ɔmɛn, vɔ ɛmɛn gbɛtɔ ye ŋyin wan na ɔzuvlu do wugan kiklɛn, do ye wananye ŋyin ezan gbigble. ²⁰ Ɖo ɔ ɛmɛn na nɔn wa enu vɔɛ nɔn ŋyin wan kiklɛn yɛ nɔn ba kiklɛn déo kɔ do vivɔn be xe nuwanaye atɔn jɛ agbanŋgba. ²¹ Ɖekpe ɔ ɛmɛn na nɔn wa xonugbo nu nɔn ba kiklɛn de dowu bena ye nuwanaye le Mawu mɛn aɖexlɛ emɛn akɔn." ²² Exɛn godo ɔ Yesu kɔdo enukplavi ye sɔn jɛ juda to ewanzan ji le flɛn ezan gan mɛn ɖi ɖɛn kɔdo ye do lɛ Mawusin lɛnu. ²³ Jean can le Mawusin lɛnu le enan gogo salim do be esin susu flɛn. Ɛmɛn le ba nu ede do le mawusin Lɛnu. ²⁴ Ɖo ɔ iye ŋkpon wli Jean sɔn gankpamɛ hɔnde o. ²⁵ Kplanɖo ɔ, enu didon ɖe biɛ Jean enukplavi ɖe ye kɔdo Juif lok^po mɛn do zɔn ɔwu kikɔn wu. ²⁶ Ye sɔn Jean de lɔnɛn "Rabi, ɛmɛn kɔdo wa le ada deɔ ji na Jordani etɔ eyɛ ɔle ɖinu ɖase kude wu, eyɛxe ele mawusin lenu eyɛ ɛmɛn tɛtɛ le sɔnu ede." ²⁷ Jean ɖewu "Emɛgbɛtɔ ŋkpewu ayi ŋtio na ŋyin be ehɛn sɔn ɔjihwle do ba ɔ. ²⁸ Iniye ŋtɔ mikpewu ɖiɖose be ŋlɔ imlɔn ŋyi Kristi ò vɔ bohun ŋlɔ be ŋyin ɛmɛ zɔn ɖo xwlan jɛ ŋkɔn nin. ²⁹ Ɛmɛn tɔn na yin ɔlɔ wli ŋɔnu ɔ, eyɛ ŋyi ɔlɔwli ŋusu ehwanyi kena lete le ɔto ɖo nu wuiɔ le jijɔɛ kpikpɔn gooɖe denuxlɛ do zɔn ɔlɔwli ŋusu ɔ be egbe wu kesin wɛ exeɔ na be xo jijɔɛ sɔgbé do etɛnxue. ³⁰ Ejɛ be ye ale hwɛnu eyɛ eyɛ be ma ɖenu kpɔtɔ ³¹ Ɛmɛn na lɛ le ɔjihwle do ba ele eta na tɛtɛ ɛmɛn na lɛ̀ le awanzan ji ba eŋyin awan ji tɔn eyɛ alɔ awanzan ji nuye be xo. ³² Ɛmɛn na lɛ le ɔjihwlé de eta na enu tɛtɛ ele ɖiɖase do enu na ekpɔn, enu na ese vɔ ɛmɛn tin keke ŋyigbé na éɖase ɖiɖi. ³³ Ɛmɛn na ŋyin gbé na ɖaseɖi ɔ etɛ egbé déji be Mawu ŋyin xonugbo. ³⁴ Ɖo ɔ ɛmɛn na mawu yi ɖohxlan nɔn lɔ mawu be xo, enu wutu Mawu ŋnɔn na gbigbɔ kɔdo jijɛ o. ³⁵ Etɔ ŋyin ewan na evi eyɛ eyi enutɛtɛ yi do ɔlɔmɛn nin. ³⁶ Ɛmɛ na yi eviɔ jise aɖo ɛgbɛ makpo makpo ɛmɛn na ma yi eviɔ jise o wa ŋma kpɔ ɛgbɛ o, vɔ ɔdɔ mɛnze Mawutɔn anɔn eji."