¹ Kena Yesu lɔ enu xɛnye jɔhwɛn ɔ, ɛkiɛ ɔkunsiŋ kpɔn ɔjihwle cɛ ɛlɔ: "Ɛtɔ ganxixo ɔ ba yi gigo na xwevi na evi agigo nɔn. ² Le jijɔmɛ ɖikɛn naɖe na ɔna ace do elan tɛtɛ ji, keŋu gbo xwe a na ɛgbɛ ma ɖo kpikpo wu ɛmɛ tɛtɛ na ɔyi ni. ³ Ɛgbɛ maɖo kpikpo na ye a kpewu ɖo yɔnɔ, ɔyɔ, xonugbo mawu lɔkpo kodo ɛmɛ na yiŋ ɛmɛ zizɔn ɖoxlan, Yesu Krist. ⁴ Ŋu kpagigo nɔn le awanzan ji do ezan na be kpikpo wu. ⁵ Lete sibɛɔ ɛtɔ na gigo ŋu. Le ɔyɔ ŋutɔ xwe de gigo kena ŋu ɖo le xweɖe jɛɔnkɔn gbəxwe yé wa ɛgbɛ ɔ. ⁶ Ŋu wa be ɛgbɛ me tɔ kena ɔyi na ŋu ye be ye ayɔn xwe yiŋkɔ xwe tɔn wɛ ye yiŋ, ɔ yiye yi na ŋu eyɛ ye hin xwe xo wu. ⁷ Ɛyɛ ye yɔn sibɛ be enutɛtɛ nɔn ɔ yi na ŋu xwe de wɛ ye sɔndo ba. ⁸ Ɖo ɔ ŋuyi ɛxo ɔyi na ŋu na ye ye yi eyɛ ye yise xonugbo be xweɖe ŋu lɛ le, eyɛ ɔyɔ wɛ zɔn ŋu ɖoxlan. ⁹ Ŋu xo ɛɖɛ na xe mlɔn ŋu xo ɛde na ɛgbɛ ɔmɛ o, vɔ na ɛmɛ na ɔyi na ŋu ye, ɖoɔ ye le nɔn. ¹⁰ Enu tɛtɛ na yiŋ xo tɔn xiŋ ɔyɔ can xwe tɔn eyɛ enu tɛtɛ na ɔɖoɔ eyiŋ mlɔn can xo tɔn, eyɛ ŋu nɔ na gigo xo ɖe. ¹¹ Mlɔn ŋu le ɛgbɛ ɔ mɛn o vɔɔ, ye e, ye le ɛgbɛ ɔmɛn, ɖo ɔ ŋu le gbɔnnu xwede ɛtɔ kikɔn, hɛn xe le xwe xiŋkɔ mɛn. Yiŋkɔ xɛn na ɔyi na ŋu na ye ado nɔn lokpo, ye asogbɛ pɛpɛ ɖikɛn ɔyɔ xɔ do ŋu, mi le lokpo. ¹² Ganmɛ na ŋu le kɔdo ye ɔ ŋu hɛn ye le xwe yiŋkɔ na ɔ na ŋu mɛn, ŋu hɛn ye eyɛ eti ŋu crɔn le ye mɛn na ŋu yiŋ ci crɔn vi ɔ wɛ o, gan xɛ mɛ na enu wiwlan ye awu ɔnu. ¹³ Sibɛ ɔ, ŋule gbɔnnu xweɖe, vɔ ɔ ŋulɔ enu xe ye na ye le ɛgbɛ ɔ mɛn, na ye a kpéwu ɖo ɖo xo jijɔɛ jiju ɔ le ye mɛn. ¹⁴ Ŋuyi xwe xo na ye, eyɛ ɛgbɛ ɔmɛn criye ɖo ɔ ye ŋu yiŋ ɛgbɛ ɔmɛntɔn, esɔgbe pɛɛ̀ ɖikɛn na ɖe na mlɔn can mlɔn yiŋ ɛgbɛ ɔmɛn tɔn. ¹⁵ Mlɔn biɔ be a ɖe ye tɔn le ɛgbɛ ɔ mɛn o, vɔɔ bena a do akpa na ye ɖo ɛmɛ vɔɛn ɖi ye wu. ¹⁶ Ɛsogbɛ pɛɛ ɖikɛn na ɖe na mlɔn ŋu xiŋ ɛgbɛ ɔmɛn tɔn wa, yee can ye ŋu yiŋ ɛgbɛ ɔ mɛntɔn. ¹⁷ Klɔye wu kɔdo xwe xonugbo, ɖo ɔ xwe xo yiŋ xonugbo. ¹⁸ Pɛɛ̀ ɖikɛn na ɖo na ɔ yi ŋu yiɖoxlan ɛgbɛ ɔme eyɛ mlɔn can ŋu xi xe ɖo xlan. ¹⁹ Ŋu xo ɖe yi na vivɛɖe do ye wu na ye e can ye a yi ye e ɖe yi ɖo xonugbo mɛn vivɛ ɖe. ²⁰ Mlɔn ŋu le ɛɖɛ xo nu na yee ɖoɖo nɔno, vɔ ɔ na ɛmɛ tɛtɛ na na yise ɖo xoji zɔye e xogbé mɛn. ²¹ Na ye mɛ tɛtɛ na nɔn lokpo, pɛɛ̀ ɖikɛn ɔyɔ, ɛtɔ, ɔlɛ xo mɛ, eyɛ mlɔn ŋu le xwe mɛn ŋu le ɛɖɛ xonu be ye ɛ can ye anɔn mi mɛn, na ɛgbɛ ɔ mɛn a yise be na ɔ zɔn ɖo xlan. ²² Ŋu yi gigo na ɔ na ŋu yi na ye, na ye a ɖo nɔn lokpo pɛɛ̀ ɖikɛn na mlɔn kɔɖɔ mi le. ²³ Ɛmlɔn le ye mɛn eyɛ ɔyɔ le xomɛn, na xe ado nɔn lokpo le gbe sisɔmɛn, na ɛgbe ɔmɛ a yɔn be ɔzɔn ŋu ɖoxlan, eyɛ be na ɔ yiŋ ɛwan na ye ɖo liluɔnɛ lokpo ŋu mɔn na ɔ ɖo yiŋɛ wan na ŋu. ²⁴ Ɛtɔ, ɛmɛ na ɔyi na ŋu ye ɔ, ŋu kan be ye ca ye a nɔn fi na ŋu lɛ, na ye a kpewu a ɖo kpɔn xogi go xɛn na ɔna ŋu, ɖo ɔlu ɔn ŋu jɛ ɔnkɔn na ɛgbɛ ɔbe ɖiɖo. ²⁵ Ɛtɔ, pɛɛ̀ ɔ ɛgbɛ ɔ ŋu yɔn, vɔ emlɔn ŋuyɔŋ, eyɛ ɛmɛ xe ye yɔɛn be na ɔ zɔn ŋu ɖoxlan. ²⁶ Ŋu wa be ye a yɔŋ xwe yiŋkɔ eyɛ ŋu gɔ wɛ ke, na liluɔn na ɔɖo na ŋu anɔn ye mɛn, eyɛ mlɔn ma nɔn ye mɛn."