¹ Ŋu lɔ enu xɛn ye mi na mi ŋu ka do klɛn ɔfɔ o. ² Ye aɖemi tɔn le sisɛn xɔmɛn; ewa be, gan xixo ba ɛyɛ ɛmɛ de cite ɔ a hwu mi kɔdo susu be ye le ezan yɔɛn wanu na Mawu. ³ Ye aṣa enu xɛn ye dobe ye ŋu yɔn etɔ kaka jɛ xo ji. ⁴ Ŋu lɔ enu xenye na mi gboxwe na ganmɛ ba na enu xɛn yé jɛ jijɔji ɔ, mi a kpe wuɖo ɔnkunsiŋ wi ɖikɛn na ɖe na ŋulɔɛ na mi san mlɔn ɛnu xɛn ye na mi le ɔgbɔn mɛ jijɛ o enu ewutu ɔ ŋu le kɔdo mi. ⁵ Ŋu le sɔn nu ɛmɛ na zɔn ŋu doxlan de, vɔ co ɔ ɛmɛ ti ŋule mimɛn kanse: "fi nɔn we ɔle sɔn nu?" ⁶ Enu ewutu ɔ ŋu lɔ enu xɛn na mi, mi eji ye ju ɔ kɔdo nublanui? ⁷ Co ganke ɔ, ŋu le lɔ nu xonugbo na mi: a yɔn na mi wu be na ma sɔn; ɖɔo na mlɔn ŋu sɔn wa; ɔkɔn fatɔ ŋu ma ba mi de; vɔ na ŋu sɔn ma yi ɖoxlan mi. ⁸ Na ebabaa, ɔkɔn fatɔ a ɖe ɛgbɛ ɔmɛn e vodida yixlɛ kundo enuvɔɛn; na enu jijɔ eyɛ na kojo ɖiɖo. ⁹ Do zɔn enu vɔɛn wu, enu e wutu ɔ ye yi xo ji se o; ¹⁰ Ɖo zɔn jijɔ wudo be ŋule sɔn nu etɔ de eyɛ mi ŋu gɔ ka kpɔn ŋu o. ¹¹ Eyɛ kudo kojo ɖiɖo wu ɔ, do be ɔxoluvi ɛgbɛ ɔmɛn tɔn ye nɔn ɖo kojo ni. ¹² Ŋu ɖo enu susu kalɔ na mi, vɔ mi ka se ɔgbɔn mɛ na ye tɛtɛ sibɛ o. ¹³ Ganké ɔ, na eyɔ, xonugbo e gbigbɔ ba ba a, a kplan mi le xonugbo tetɛ mɛn ɖo ɔ ŋu kaba lɔxo do zɔn enu na eyɔ ŋutɔ susu wu o, vɔ enu tɛtɛ na e le senu ɔ, alɔ enu xɛn ye, eyɛ a ɖe enu na kaba jɔxe mɛn na mi. ¹⁴ A na gigo wu ŋu, ɖo ɔ ayi enu na yiŋ xotɔn ye ade ɛmɛn na mi. ¹⁵ Enutɛtɛ na etɔ ɖo ɔ na yi enu na yiŋ xo tɔn ye eyɛ alɔye na mi. ¹⁶ Le zanɖe ma dɛn madɛn mɛn ɔ, mi ŋu gɔ akpɔn ŋu o; zanɖe na ganmɛ viɖe kplaɛn ɖoɔ miagɔ kpɔnu ŋu ¹⁷ Ɛmɛ lokpo lokpo ɖe ye le enukplavi ye mɛ ɔ le lɔ nu na ye nɔn nɔn ye; yiŋkɔ eyiŋ enu xɛnye na ele lɔnu na mi o: "zanɖe le ganxixo viɖe mɛ sibɛ ɔ mi ŋu be ka ba kpɔn ŋu; "zanɖe le gan xixo viɖe sibɛ mɛ̀ ke eyɛ mi a kpɔnŋu "eyɛ" wutu ŋu le sɔnnu etɔ de" ¹⁸ Ye le lɔnu bohun: "yiŋ kɔwu ele lɔnu kesiŋ" le gan xixo viɖe mɛn? Mi ŋu yɔn chu na cle lɔnu." ¹⁹ Yesu kpɔn bé ye ɖo jro a do kan exo se hwuye ele lɔnu na ye: "mile kannu mi eɖe se do enu na ŋu kalɔ do zɔ exo lilɔmɛ kesiŋ: "Zande mi ŋu gɔka kpɔnŋu zande mi gɔ a kpɔnŋu." ²⁰ Le xonuglo xonugbomɛ ɔ, ŋu le lɔnu na mi. miba ā viavi eyɛ mib ale keyiŋ fannu, vɔɔ̄ ɛgbɛ ɔmɛn a le jijɔɛ mɛn; mi anɔn ɔwubiblamɛ vɔ mi ɛ wubibla a balɛ zun jijɔɛ. ²¹ Yɔnnu nɔn le ɔwubibla mɛ ganmɛ na ele vivɛ senu le viji huenu vɔ na eji eviɔ, ŋu gɔ nɔn ɖo ɔnkusiŋ vivɛ na eseo do jijɔɛ wu be evi xɛn ba ɛgbɛ mɛn. ²² Mi e can, mi le ɔwubillamɛ lee esian hwenu, vɔ ma gɔ ba kpɔn mi ke; eyɛ mi eji ye a nɔn jijɔɛ mɛn, eyɛ ɛmɛti ŋu kpewu a yi jijɔɛ kpikpɔn xɛn le misio. ²³ Le gbéxɛn gbe ɔ mi ma bakan xo se wuŋu le xonugbo xonugbo mɛ, ŋu le lɔnui, enu tɛtɛ na mi biɔ etɔ le xo yiŋ ke mɛ ɔ, a yi na mi. ²⁴ Kaka na sian hwenu mi ŋu bio enu tile xo yiŋkɔ mɛ o; mi biɔ eyɛ mi a ā yi na mie jijɔɛ kpikpon a sogbɛ. ²⁵ Ŋu lɔ̄ exo xɛn ye nami dō exo gbe susumɛ, vɔ gan xixo le gbɔnnu eyɛ mlɔn ŋugɔ alɔ xo do exogbe ye mɛn o vɔ ma lɔ exo do zɔn xotɔ wu eyɛ emɛn akɔn. ²⁶ Le gbe xɛn gbe ɔ, mi a biɔ enu le xo yiŋkɔmɛ eyɛ mlɔn ŋu ma lɔ be ma xo ɛdɛ na xotɔ na mi o; ²⁷ ɖoɔ etɔ ŋutɔ yiŋ ewan na mi enu ewutu mi yiŋ wannagu eyɛ wu mi yise be etɔde ŋu lɛle doba. ²⁸ Ŋu lɛ le etɔ de ɖoba, eyɛ ŋu ba ɛgbɛ ɔ mɛn, ŋu gɔ le lɔnui lokpo ke be ŋule lɛ nu le ɛgbɛ ɔ mɛn eyɛ ŋu le sɔnnu etɔ de. ²⁹ Nukplaviye lɔni: "kpɔn sibɛ ɔle exo mɛn kɔnnu, ɔngɔ le exo lɔnu ɖo exo gbemɛn susu o. ³⁰ Sibɛ mi yɔɛn be ɔyɔn enutɛtɛ eyɛ ɔŋu hian ɛmɛ ɖe be a kan xo sewu ye, exɛn wu, wɛ, mi yisɛ be Mawu de ɔsɔn ɖoba. ³¹ Yesu ɖewu na ye: "mi yi eji se sibɛ? ³² Mi kpɔn da, ganmɛ le gbɔnnu, ɛn, eyɛ eba keŋu keŋu, eyɛ mi agbado, ɛmɛ lakpo lokpo le exwe mɛn, eyɛ mi ajɔŋudo mlɔn lokponɔn co ganke mlɔn ŋu le lokpo ɖo ɔ etɔ le kɔdo ŋu. ³³ Ŋu lɔ enuxe ye na mi na do do fifa le xo mɛn le ɛgbɛ ɔ mɛnɔ mi a zɔn ayaɖudu yɛa mɛn, vɔ mi doji ŋu ɖu ɛfbɛ ɔmɛn ji."