¹ Ŋu ŋyi wintiŋ xonugbo tɔn eyɛ xotɔ ŋyi win do tɔ. ² Ɛnɔn ɖe ɔtiŋ wla ye kena ŋu le sɛn nu ɔkun eyɛ enɔ jra ɔtiŋ wla tɛtɛ kena le ɔku sɛn nu ye ɖo, na ye ado na ɔkun sisɛn susu. ³ Mi nɔn le kikɔn na ɛwɛn do na ŋuyi na miɔ wutu. ⁴ Mi nɔnxomɛn eyɛ ma nɔn mi mɛn ɖiken naɖe na ɔtiŋ wla ŋu kpewu asɛn ɔkun le ɛɖe sinu na ŋu le win tiŋɔ mɛn o, kesiŋ wɛ mi ŋu kpewu osɛn ɔkun na mi ŋu le xomɛn o ⁵ Ɛmlɔn wɛ yiŋ win, mi ye wɛ yiŋ ɔtiŋ wla ye ɛmɛ na le xomɛn eyɛ ŋule emɛn, a sɛn ɔkun susu, ɖo ɔ ɛmlɔn male ɛmɛn ɔ mi ŋu kpewu awa enuti o. ⁶ Na ɛmɛ ɖe ŋu le xo mɛn o wa, ye adrɛn ɖiken ɔtiŋ wla ye na ba le fiɔnu, ɛmɛ ye le bɛ nu ɔtiŋ wla ye dran do ezomɛn eyɛ ye le fiɔnu. ⁷ Na mi le xo mɛn eyɛ xo exo le mi mɛnɔ, mi bio eno tetɛ na mi le kannu eyɛ mi a yi. ⁸ Ɛxɛn mɛn wɛ xotɔ nɔn yi gigo le, mi nan ɔkun susu eyɛ na mi yiŋ xo nu kpla viye. ⁹ Ɖikɛn naɖe na etɔ lɔnŋu, mlɔn can ŋu lɔ mi; mi nɔn xo lilɔn mɛn. ¹⁰ Na mi hɛn xo sɛn ye, mi nɔn xo lilɔn mɛn ɖikɛn naɖe na ŋu hɛn xotɔ esɛn ye eyɛ ŋu nɔn elilɔn mɛn. ¹¹ Ŋu na mi enuye ye na xo jijɔɛ a nɔn mi mɛn eyɛ na mi e jijoɛ akpe blɛbu. ¹² Eyɛ xe xo sɛn ye, miɔn mi e nɔn-nɔn ye ɖiken na ɖe ŋulɔn mi. ¹³ Lilɔn ɔlɔkpa gbo ɔ wɛ yiŋ a yi xwe gbɛ yi nan do xwe hwayiŋ ye ta. ¹⁴ Mi yiŋ xo hwayŋ ye na mi le wanu enu na ŋu gblɔn zɔn mi. ¹⁵ Mlɔn ŋu ma yɔni be subɔviye, ɖo ɔ subɔvi ŋu yɔn cnu na exwetɔ le wanu o ŋu yɔ mi be xo hwayiŋ xe enu ewutu ŋu na mi yɔn enutɛtɛ kena ŋu se le xotɔ de. ¹⁶ Mi ŋu can ŋu, vɔ emlɔn wɛ can mi eyɛ ŋu na mi yiŋkɔ na mi do sɛn ɔkun eyɛ mi ekun sisɛn ye anɔn awan. Exeɔ na be ɖekpekpe na ayiŋ enu na miabiɔ xotɔ le xo yiŋ kɔ mɛnɔ, ayi na mi. ¹⁷ Ŋu gblɔn le ɛsɛn teye ɖonu na mi na mi a kewu do yiŋ wan na mi e nɔn-nɔn ye. ¹⁸ Na ɛgbɛ ɔmɛ cri miɔ, mi yɔŋɛn be ecri ŋu jɛ ɔnkɔn na mi. ¹⁹ Na mi yiŋ ɛgbɛ ɔ mɛntɔn, ɛgbɛ ɔ mɛn nɔn yiŋ wan na mi ɖikɛn etɔnye, vɔ kena eyiŋ be mi ŋu yiŋ ɛgbɛ ɔ mɛn tɔn eyɛ wutu ŋu can mi tɔn le ɛgbɛ ɔmɛn, ɛhwɛgbe xɛn wutu wɛ ɛgbɛ ɔmɛn cri mi. ²⁰ Mi ɖo ɔkunsi exo na ŋu lɔ na mi: "Subɔvi ŋukpe wu a wugan xwetɔ." Na ye yanfi ŋu ɔ, ye ba ayanfiŋ miyɛ can; na ye hɛn xo exo ye wu ɔ san ye a hɛn mi ye can mi ye tɔn. ²¹ Ye awa enu xɛn ye tɛtɛ na mi do xo wutu enu ewutu ɔ ye ŋu yɔn ɛmɛ na zɔn ɖoxlan. ²² Na mlɔn ŋu doba lɔ xo na ye o wa, ye ma wa enu vɔɛno; vɔ sibɛ ɔ ye ŋu ɖo yikɛ na ye nu vɔɛn o. ²³ Ɛmɛn na cri ŋu, cri xotɔ can. ²⁴ Na mlɔn ŋu ɖo wa ezan na ɛmɛ ti ŋu wa le ye mɛn wa, ye ŋu ma ɖo vɔɛn o; vɔ sibɛ ɔ ye ɛmɛ tɛtɛ ye kpɔn eye ye gbɛ ewan na ŋu, na xo tɔ can. ²⁵ Enu xe ɔ le jɔnu na enu wiwlan a do kpe blebu ɖikɛn na ɖe na ye le yée sɛn ɔmɛn: "ye cri ŋu do ɛhwɛ ti nu." ²⁶ Ma ɔkɔnfana ɛmɛ tɔ bā ba a (ɛmɛn na xi doxlan mi sɔn xotɔ de ɔ, eyiŋ xonugbo egbigbɔ a ba sɔn etɔ de) a ɖe gbefan do xonu. ²⁷ Mi ye can mi a ɖegbéfan do xonu do enu ewutu mi le kɔdo ŋu sɔn ɔgbɔn mɛ jijɛ.