¹ Kensi wɛ Kristi ɖu aya le agbaza mɛn mi do a hwa wu do ayi xa lokpoɔji. Dobé ɛmɛn dé kpé kpé kéna a ɖu aya lé agbaza mɛn ewa jɔhɔɛn tὲtὲ kɔdo enu nyiyran. ² Dozɔn exɛn mɛnuɔ, késin emɛn un gɔ lé ɛgbɛ na ɛgbɛtɔ yé bé enu kpikpɔn vɔɔ na Mawu éjro lé egbὲzan kpédéyé. ³ Do bé gamɛ susu ba yi na yisé maɖo éjronu wiwa. Enujro ɛmɛn la agbazamɛn, agbazamɛn evivi sisé ahan nu mun axonuɖu, élan nu wiwa lɛgbanu wiwa. ⁴ Ekpacayé bé un nɔn kpédo yéwu lé yée bé yɔhué nu wana mɛn. ⁵ Exɛn wutu yé le lɔnu miyé xɔ nyinyran. Yé aba ɖo ɔkɔnta na ɛmɛn kéna lé ɛgbé sisɔ a do ɖo kojo na ɛmɛn kuku kɔdo ɛmɛn lὲgbὲ yé. ⁶ Ðiɖo xen wu wɛ yé sɔn jra ὲwὲn nyɔɛn na ɛmɛn kuku yé na anyinbé yé ɖo kojo na yé lé agbazamɛn ɖiken ɛmɛn le ὲgbὲ, ya nɔn ɛgbɛ ɖiken Mawu lé gbigbɔmɛn. ⁷ ɛnu yé tὲtὲ ekpikponu lé gigo nu na élé késinɔ mi nɔn wiwe le gbigbɔ mɛn eyɛ mi a nɔn ayi vomὲn, na ɛɖɛ wutu. ⁸ Sɔn exɛn tὲtὲ ji, mi ɖo lin lɔn zozo na miyé nin nɔn yé dobé lilɔn nɔn ciɔn enunyinyran. ⁹ Mi yi ὲmὲ jro lé miye edé mɛn ɛnu matrɔ mɛn. ¹⁰ Ðiken na ɖé na ɛmɛn lokpo lokpoé yi enu ninan, mi zaɛn na mi a do subɔ. Miyé édé mi wa exé yé ɖiken enuji kpɔntɔ zantan na enu ni na fata Mawu tɔn. Na ɛmɛn ɖé lé éxo, lonuɔ anɔn nyin bé elé Mawu énu wiwa yé éxo lɔnu. ¹¹ Na ɛmɛn ɖé lé subɔ nuɔ nɛn wὲ kɔdo hihlɔn na Mawu nɛn. Mi wὲ enu xɛn yé lé dé kpé na anyinɔ ya yi kafu na Mawu zɔn Yésu Krisîi ji. Dido dɔji kɔdo hihlɔn nɛn nyin kisti tɔn lé huénu be huenu. Ami. ¹² Nɔnvi linlɔntɔ, ɛzo étintɛkpɔn kéna légbɔnu nam mio un ka nyin énu akpaca mio ɖiken enu ma man do ɛmɛn ba jô do mi ji késin. ¹³ Kpan ɔnkɔn akpa xɛn ɔ unkan kikɔ mɛn na Kristi évivɛ sisé dan-dan o, éké mɛn na mi le zɔnu o. Mi kpɔn akpa jijɔɛ, na mi a kpɔn jijɔɛ do miyé dé wu.can. Eyɛ eji nɛn jɔmi gan mɛn na ɔɔwu kikɔn aba zé. ¹⁴ Na yé zun mi do Yésu ényinkɔ wuɔ yé yrami. Dobé ɔwu kikɔn égbigbɔ kɔdo Mawu égbigbɔ lé mi ji. ¹⁵ Vɔ ɛmɛn tin un ka nɔn mimɛn na aduaya ɖi ɛmɛn kujɔ do tɔ ōo, ajotɔ, nu nyinyran watɔ, ɔlɔdo ɛmɛn bu enu mɛntɔ. ¹⁶ Vɔ na ɛmɛn dé lé aya dunu ɖikɛn Kristi tɔ. Enyan un ka wὲ o. Bohunɔ elé kafu nu Mawu ényinkɔ kɔdo ¹⁷ Dobé kojo ɖiɖō égamὲ ka bὲ ji le Mawu ɔxué mɛn. Eyὲ na ébὲ sun mi ji ɔ na ɖé wὲ a nɔn na ɛmɛn na un ɖo sisi Mawu tɔn yéo. ¹⁸ Eyὲ "na ɛmen jijɔ kpɔn hwlɛngan kɔdo vivɛ sisé. ὲmὲn nyrinyran yé kɔdo nuvɔɛn watɔ yé nyinkɔ yée ya ba nyin o. ¹⁹ Exɛn wu ɛmɛn na lé ayadunuye do Mawu ejromɛn ɔ. Yā yi yée luvɔyé do asimɛn na égbéji nɔntɔ, ɛgbɛɔ tɛtὲ watɔ.