¹ Lé ninɔn xɛn mɛn ɔ, mi yé kéna yin nyɔnuyéɔ, mi yi éta ɔgbɔmɛ na miyé ɔsuyé mi wɛ késin na unsunyé kéna un ma do bubu Mawu xo wuɔ do zɔn ye siyé bé ɔzɔnlin wuo wa. Ya ɖu yéji lé ɛbɛ tin mà kɛ do exo mɛn. ² Do bé yé akpɔn miyé gbéjininɔn kɔdo bubu ɖiɖo. ³ Exɛn nɛ nyin wiwa lé ɔcɔ nuɖe ma do ɔwu: lé éɖa ma bla, sika nu mado acan wu mado. ⁴ Exɛn godo bohunɔ. Walɔ na azan a lὲlé kaka éjimɛn edɛn yɔen, ayimɛn fifa vivi, ɔnubibɔ, ɛxɛnyé yin yi ɔxi vivɛɖé lé ɔnkɔn na Mawu. ⁵ Dobé yonu légbéji esan tɔn yéɔ késin wὲ yé nɔn jraɖo exɛn. Yé nɔn kanɖo Mawu ji. Eyɛ ye nɔn bɔbɔ éta na yée suyé. ⁶ Ninɔn xɛn mɛn wɛ Sara nɔn do ɖo bubu Abrahamuwu éyɛ enɔn yɔɛ bé éxuétɔ. Sibɛɔ éviyé wὲ minyin, na milé wanu énu zantan, eyɛ na mi un lé vɔn nu na ayaɖuɖu yéo. ⁷ Késin kéwɛ, miyé un suyé miɖo azan énugbɔn mɛn sisé egbὲ ɖowlan miye siyé dé. Ðiken ézɛn fifla nyɔnu. Mi ɖo a ɖo bubu na yé ɖiken yé jɛna késin lé énu ninan ɛgbὲ mɛntɔn. ⁸ A do na bé miyé tὲtὲ mi a ɖo ayixa lokpo, mi a nyin unzin-zin kuna ɛmɛntɔ. Mi a ɖo linlɔn na miyédé, mi a nɔn ɔnklé lé miyédémɛn. Mi a ɖo ɛmɛn ɖé yi hwé, ⁹ Mi un ka yi nyingban do nyinlan tɛnxué. ɛzun do ɛzun tὲnxuéɔ. Mi a kpɔtɔ lé yranu ɛmɛnyé. Do exɛn wu wὲ yé yomido, na mi do ɖo mima le yiyromɛn. ¹⁰ ɛmɛn na jlo bé ya ɖo lilɔn na ɛgbɛ, eyɛ a kpɔn awangbigban nyɔen yé é ɖo a tɔ éxo nyinyran lilɔ té. A tɔte ɛmɛn flu-flu. ¹¹ Na alɛkɔ lé enuvɔnɛ gbɔn eyɛ àjὲ ɔnkɔn énunyɔὲ. Nɛn kan fita éyὲ ajɛ ɔgbɔn nɛn. ¹² ɔxuétɔ bé ɔnkunsi lékpɔnu ɛmɛn jijɔye éyɛ ébéɔ ɔto nɔn sé yée be ὲdὲ. Vɔ ɔxuétɔ nɔn dé ɔnkusi lé nuvɔen watɔ yé ji". ¹³ ɛmɛnɔwé wɛ a wa vɔnɛ domi na miyé ya mi lé enyɔen. ¹⁴ Vɔ na mi na enu do jijɔ mɛnɔ, ya yra min. Min unka rɔn enu na ye lé vɔ nu mi un ka caka. ¹⁵ Vɔ mi clan ɔxuetɔ Christi do kikɔn lé miyé éjimɛn, mi nɔn egbe sisɔ à dō ɖo éwu na ɛmɛn ɖékpékpé kéna kéna a kan mi sé bé nyikɔ wutu mi ɖo kanɖé Mawu ji? Mi wa énuxéɔtɔ kɔdo vivi, bubu. ¹⁷ Miɖo ayixa nyɔɛ, na ɛmɛnyé na nɔn zun miyé égbɛ zantan lé Kristi mɛn ɔ, enyan à wayé. Dobé yé lé lɔ nu exɔ do kpanɔnkɔ min ɖiken nuvɔɛn watɔ yé mi nyin. ¹⁶ A nyɔn bé miwa nunyɔɛ lé jlo Mawutɔ mɛn a do ɖu aya hu evɔen. ¹⁸ Kristi can ɖu aya kpɔn lokpo do nuvɔɛn yé wutu. Eyɔ ké na nyin ɛmɛn jijɔɔ eɖu aya do miyé nuvɔen watɔ yé étāmɛn na a do hɛn mi ba Mawu dé. Yé hwi lé agbaza mɛn, vɔ egblɔn ɔgbɔn ba ὲgbɛ do zɔn gbigbɔmɛn. ¹⁹ Gbigbɔ kplan έyὲ esɔn lɔ exo na gbigbɔ kena lé egamɛ yé sibὲ. ²⁰ Sun xoxo le no a éhu énu ké wɛ Mawu yi ɔgbɔ do yée ɔtonu maséwu. Lé awangbigban yé kénan ye do lé tunu aɖakago exɔ. Eyὲ Mawu hwlɛn ɛmɛn déyé ɖiken (luvɔ atitɔn) do zɔn esin ji. ²¹ Exéɔ nyin walɔ ɖiken Mawu sin lilὲ kéna hwlɛn migan sibὲ (un do nyin ɖiken kiklan do kikɔn agbaza tɔn le éjui mɛn. Vɔɔ diken égan dido ὲmὲ. Lé yé ayixa nyɔ ɛn ɖiɖo do Mawu wu, da fifɔn sɔn eku Kristi-tɔn. ²² Kristi lé Mawu ɔɖu si mɛn. Ésɔn ɔjihwlé angɛliyé, ace kpatɔyé kɔdo hihlɔnyé ɖo ā yi éta do ɔgbɔn nɛn.