¹ Un dō gān lamɛn namin ɛmɛn xoxo kena lé mi mɛn yé. Emlɔn nɛn nyin miyé blavi mɔnzɔntɔ xoxo kɔdo xolɔtɔ do enu tɛnxué zɔn Kristi é ayadudu yé wu. Eyὲ un gɔ nyin ɛmɛn lé ὲmɛn yé mɛn kundo ɔwu kikɔn kena ya ba ɖe xlὲ ɔ. ² Eyɛ wutu un lé donu mi hilɔn, ɛmɛnhɔnyé, mi na undudu wu alɛn hayé nɛn lé mi mɛn yé. Mi wlibo na yé; un nyin egodo tɔn. Vɔɔdo Mawu ejro mɛn. Mi hɛn un nyin do oxɔsu ma kafu ɛmɛn tɔn wu ɔ. Vɔ do éjro tɔ mɛn. ³ Mi un ka nɔn wa nu ɖiken ɔxuetɔ na ɛmɛn ha dé nyin agban lé tāji nā vɔ mi nyin kpɔn déwu lokpo na alɛn ha mɛn. ⁴ Gan ké mɛ-na ɛnen de si nɔn tɔ kplantɔ a ba zéɔ mi a yi e ɔwukikɔn ée-gba. ⁵ Késinké mi dékājὲ, tugbὲ yé, mi bɔbɔ eta na mɛhɔnyé. Éyɛ miyé mɛn tὲtὲ mi a yi ɛmɛn édé do wé do wa ɔvɔ cicɔn. Eyɛ mi a subɔ miye nɔn-nɔnyé. Dobé Mawu nɔn sité do ɛmɛn édé kɔ do ɔjiwlé tɔ yé wu. Vɔ enɔn hun ɔdomɛn do ɛmɛn na nɔn bɔbɔ yédé ɔ. ⁶ Mi bɔbɔ eta do Mawu é ɔlɔ sisiɛn gbɔn. Gbowɛ na do zé mi dɔji lé gamɛn na éjὲ. ⁷ Mi ɖidi mi yé gbaӣ do éji tɛtɛ do enɔn wli ebo na mi. ⁸ Mi nɔn ayimɛn vo, mi nɔn aceji mi yé ékintɔ ɛlɛgba, elὲnudo ɖiken ajanta na jὲ eha lékanu emɛn na avun-vun. ⁹ Mi tɔ ɔfɔté do éwu sisien ɖé lé miyé bé yisé mɛn. ^{10 11} Gan xixo viɖé eya ɖuɖu ɔgodo Mawu ɛmɛn nu vivɛ tɛtɛ tɔn nɛn yɔ miɔ lé Kristi. Mɛn na e bɔwu kikɔn makpo-makpoɔ à jrami ɖo, a ɖo mi awan éyὲ à do dégami. Ðuɖu déji nɛn nyin etɔn lé hué nu yé béhuénu ami. ¹² Un ɖo bubu Sylvanus nɔnvi lokpo lé gbéji. Eyὲ do zɔn éyɔ ji wɛ un wlan xuema xɛɔ zāɖé. Un lé gando nu lamɛ na mi. Eyɛ un gɔ lé ɔtɔ nu eji na mi be énu na un wlan na miɔ nyin Mawu émɛnuvivɛ xojɔ xo. Mitɛ do éwu. ¹³ Yesu eha kena lé Babylonia éké na yé can ɖi miyée ké ɔ yé dogbé na mi. Xo vi Marko dogbé na mi. ¹⁴ Mi do égbé na mi édé zɔn awu ya-ya kɔdo ésiki mɛn. Na fifa ni nɔn kɔdo miyé tὲtὲ nin lé Kristi mɛnɔ.