¹ Yinm buolu nba k sian fei na,ti ŋmat jen i mɔnŋ ni man, k ŋanm k mali. ² Nan u sennu n tan gbien k u daa ji ka kii yian nan gbatintana na nan man kaagbennu wutuol nba di nan muu na n tan fit sik i paak, nan kaagbennu wutuol nba daal ntan fit sik i paak! ³ Kpaan kaagbennu buol man, yinm nba kul be tinŋ manŋ ni k tie siknninmɔnŋ danm na, k dia u senni, k tuon nann tuonn! k ŋanm k kpaan balmɔnnii, k ŋanm k kpaan sikninmɔnŋ! l k gal yin tan fit nyi kaagbennu wutuol na daal ni. ⁴ maan gasa duo saa yaana, k askalon duo tan saa waab kii tie tinkuonŋ, k b tan saa bel asdol tieb yensupienŋ ni, k b tan saa ŋabl ekron tieb . ⁵ yubɔnn be binba kua k kpia mɔkgbiaɔnŋ, nan kerethie paak! kaagbennu pak biil i wa kaana filisitinŋ! n tan saa biila,a tan kii mɔk binba kua a duo ni. ⁶ Mɔkgbiaɔnŋ tan sie tie bonkobkpaabuol k tie bonkobkpaalii binbebuol, k b bonkob loi tan sii be lenŋ. ⁷ K l tinni tan sii tie juuda tieb nba tenn k mɔk manfuol na yal, l buole k b sii kpaa b bonkobt, ŋaan ji dua askalon tieb ŋei ni, k maan kaagbennu, b yennu tan kan tanm b po, k u tan saa ŋmat jen nan binba k b din saan nanm daabs. ⁸ N gbat muab tieb, nan ammon tieb nba pot'n k sukii n buolu, k bia laab na wa, k fin nan paub fannt a bin fat b tinni. ⁹ L yaa po,n fo! min kaagbennu kunkɔnkɔna saakua israel tieb yennu n maatt, muab tan sii tie nan sodom na, k a ammon waas tan sii tie nan gomor na, k muat saa pia k luon b doi, kii tie yaabuot, ki tie tinkuonŋ yuo kul; k n niib nba tenn saa fat'b, k n buolu nba tenn saa yennt faal. ¹⁰ Linba na tan saa baal'b k jiin b jagbelnpo, k l maa b sukt na b palb faant nba k b want kaagbennu, kunkɔnkɔna saa kua buolu na. ¹¹ Kaagbennu tan saa kuanm jaŋmaanii, k maan u tan biil tingbounŋ na paak yenni na kul; k sua kul tan saa gbaan u tuonn k jiantɔ u tinŋ ni nan tingbouny na lɔtii kul ni. ¹² Yinm etiopi tieb mun, n tan saa kpi'i nan jukbanjiake. ¹³ U tan saa donn u nuu yenbaa po, k biil asiiri tieb, u tan saa te k ninif duo i tie langbent nba kaa nyun nan tinkuony na ¹⁴ L buole k bonkobt kul tan sii dua; k fiint nan gutaa tan sii dua langbent manŋ ni; k b mɔnii tan saa yat kii be takalbona ni, k biilu tan sii be u kul po, k b tan saa jii daat n ba k b jii maa duo na k jaat nann. ¹⁵ Gotl pal maasil digbann na, u kal u yama ni, k yien u pal ni: mini kaa, sial k be k k tie min bia bonte na! u be baak ni, l tie sianinba k muok ni bonkobt sii taant lieb k be e! binba kul tan saa gal l buol tan sii fuon fuoni k bia ŋak n nii.