¹ Yubɔnn duo nba ni k nibiit be k bia tie jaknt danm na, k tie duo nba k niib dint lieb fala! ² B ji k gbiin sua kunkol, b bia k luon sua ŋmaktuu, k b jikt b mɔnŋ cabt cagbennu, b k naki b yennu buol ³ B kpanbala nba be b sunsuuk ni na tie nan yanbɔla nae; k b balbuula tie nan daajuok kinkata nba tent sial sanyianɔk ni na. ⁴ B sɔkni nba na tie faak danme, k k tuok; k b mantieb na lebt bona nba tie kasi na, k ji k waa sennu na. ⁵ k kaagbennu lek tuok b sunsuuk ni, k k tuun linba bi; k sanyiaɔk kul k u tienm yienyieony b mɔnni po, k l kan ban pot'b; ŋaan binba k tuok na kan bant fei. ⁷ N buont digbanjaana wa; b yuo na biila; n biil b sɔnjala wa, sua ji k gaal! b doi na ji tie langbente, baa nilɔ, sua ji k be k kua l ni! ⁶ N daan yet: maa li sua k a bo sa tinin jaymaani, k gaal kpaani, a binbe buol bo kan biil, k tubdatu nba kul k n daan baal nann na bo kan baal; yaan l k woi kaa waa k b ŋmat be b tuon kpela ni. ⁸ K kaagbennu yet a,ŋuutn man,, daal nba k n tan saa fiil k pak k biil, k maan n suol nan ntik l buolu kul, nan naan yent kul, k wanib n wutuol nba tie bianŋ nba, tie nan;k maan n funfunn muu na po,duo mony saa di buonta. ⁹ Tɔn n saa tul n buolu mɔi nba tie ŋan, k lin fit b kul i yi kaagbennu sann, kii tannt kii tuun kii tienɔ. ¹⁰ Hali nan binba be etiopi mɔka gbenŋa puot po k dontl n na, n niib nba yat yat k be l po na b tan saa baal nan piini tuln. ¹¹ Daal manŋ ni a tan kan di fei , tuona nba k a tun k biil n na paaki; k maan n tan saa nyinn a niny linba te k a pal man nan jagbesin,ka ji tan kii dont a mɔny n kasi jual paak. ¹² N tan saa te k buolu nba siknt b mɔnŋ, k bia tie totas danm k b tan saa la gungul buol kaagbennu sann ni. ¹³ Israel tieb nba bial ji tan kan tun bonbiil, b tan kan faa faak, k u tan kan la b mɔb ni kpinkpani mɔbonni; ŋann b sii di buote, k be b yamani, k sua tan kan ŋmat'b. ¹⁴ Yikn man palmann wuyikni, sion bonpuok! yikn nan kpinkpanmuk,israelniib! i mɔk pal mann k bia kii kpanm nan i pal kul, jelusalem bonpuok! ¹⁵ Kaagbennu nyik a tub datu nawa, k fɔkn a datail kula; israel kpanbal yubɔnn ji kanban baala. ¹⁶ L daal manŋ, b tan saa maat jelusalem a: daa jie sial! suon, a daa mɔk kpinkpengbatuk u! ¹⁷ Kaagbennu a yennu, u be sunsuukn, nan kunkɔnkɔn paalɔ nba feitɔ na; u tan saa te k te sii tie u pal manciaɔnn; nan u lonm ni u tan kan yet sial; u tan sii mok kpinkpanmuk yani a po. ¹⁸ N tan saa taan binbe be palbiil ni, k fɔk nan kpinkpanmuk jaanm na,k tie binba nyii a ni na; k fejaann be b po na. ¹⁹ Gotl, l you mann, ntan saa dat binba kul dia i nan nin manŋ na tuba; n tan saa nyinn wɔbi b fala ni k bia gaal binba k b bel'b na, n saa te k bii tie binba dont'n k bia te k bii tie n siala danm doi nba k b dit'b fei na kul nie. ²⁰ L juo mann n tan saa jen nani; l yuo mann n tan saa taani; k maan n tan saa te k i laat dontl, k bia mok jilma tingbounŋ na niib kul sunsuuk ni, yuo nba k n saa ŋmat jen nan i niib nba tie daaba na i nunm ni, min kaagbennu n maat.