¹ Mɔmaan nae k kaagbennu din tul sofoni, u din tie kuschi bijae,k kuschi baa tie Gedalia, k u baa mun tie Amira, k u mun yaa baa tie Esekias, yuo nba k amonn bija Sosiat din tie Juuda tiebe kpanbal na. ² K kaagbennu yet a n saa biil bont kul nba be tingbounŋ na ni. ³ N saa biil nisaali kul, nan bonkobt, nan nuani nba yuuk sanpaapo, nan mɔkl ni jani. N saa biil nisaali kul k sun tan kan bial tinŋ na paak k mɔk maafuoli,kaagbennu n pak na. ⁴ N saa kɔn nan Jerusalem tieb nan juuda tieb kul: n saa buont binba tan saa bial lenŋ k jiatl tingbann nba tie baal na; sua tan kan tial manntieb nba tuun tien'ɔ na po gbaa. ⁵ N saa biil binba do ŋei jula k jiatl sanpaapo bonnankala na, n bia saa biil binba jiatl min kaagbennu k puol mɔpola a bi sii waan, ŋaan bia puol mɔpola bi kpanbal sunn ni na, ⁶ Nan binba yet k ji waa min kaagbennu, k bia k kpaan min kaagbennu buola bin boin k min ŋmakt'b. ⁷ ŋminin man yomdaan tuann, kmaan kagbennu daal na pela, k maan kagbennu tien siil nan malunŋa, k lukt u nigannkab. ⁸ Kaagbennu malunŋ na daal, n tan saa dat bat bijanmnan kpanbal waas, nan binba kul lia saam tiat tuba. ⁹ L daal manŋ, n saa dat nanyuki tuba, nan binba ybie nan kpikpiluk na fatuk bona k kuant b wanntuu ŋaak ni. ¹⁰ L daal manŋ k kaagbennu yet, a wuyikni tan sii be jani tanmɔb buol, k fabni sii be duo manŋ digbanbik ni, yubɔnciaɔnŋ tan sii be kunkona manŋ paak. ¹¹ Macthesch tieb! ii mɔ man k ii fabin man, k maan binba kul tie kpinkpenta na la biiluwaa, lik mɔkta kul buonta. ¹² L yuo manŋ, n tan saa jii fitle k kpaan jelusalem tieb,n tan saa dat niib nba dua b dunduani paak b yan ni na tuba, k yien b pala ni: Kaagbennu k tie ŋnm u k tie biit. ¹³ B tan saa fat b mɔknt, b bia bet ŋei; b maa ŋei, ŋaan tan kan kua l ni, b tan ko tilonti kpaant ŋaan tan kan nyu li daam. ¹⁴ Kaagbennu dajaann na nakna, u nakna,u baat yian yian; kaagbennu daal manŋ u kunkɔl n saa wann, k kunkɔnkɔna nba mɔk paia yik'n wuyik'n jat wuyikni. ¹⁵ L daal tan sii tie wutuol daale, l daal tie daamii nan palbiil daale k tie biilu nan buontu daal, k tie bunbɔncienn daal, wunn nan sayiunŋ daal. ¹⁶ K tie daal nba gbie nan tɔb naatuna fuut nan tob kunkɔnkɔna nba tuu lek digbanjaana nba mɔk detuatii na wuyikni: ¹⁷ N tan saa baal nan biilu niiib paak, k b tan sii sonm k tul'n nan juaniina, k l maa b tun k biil kaagnennu; n saa yat sɔn nan tangbilunŋ na, k b gbanant sii tie nan tanpenn paak muat na. ¹⁸ B likli nan likli kut tan kan fit k tinn'b, kaagbennu wutuol daal manŋ ni; k u wutuol nba tie nan muu na saa di digbann manŋ, u tan saa biil duo manŋ niib yenmkua