¹ Wunba be yennu nba be sanpaponinŋ u be panŋ danɔ maatue. ² N yet kagbennuk a: finiitien gutua nan n bunbol, wunba k n jii n dindann k bil u ni! ³ K maan Ŋɔe nyinta balt ni, nan yial biuk nba kpi nna ninŋ. ⁴ U saa jii u kpinkpant k dɔkna; k saa bɔlou kpinkpant manŋ ni; u ŋant na tie naagbenkɔnŋle nan kut foklik. ⁵ A da mɔk jaŋmaani nyiɔk bunbonciɔnŋ, nan pinii nba k b yiek yennu ni na ninŋ, ⁶ Nan bunbonn ni yialbiuk, nan yialu nba lɔ yensiik ninŋ na. ⁷ Niib tultl saa baa kpoo k lintaa, k niib tuta piik saa kpo a niidiut po, ŋaan sial kal tienna. ⁸ A saa la nan a ninbinnaa, tonu dam paɔk nba k b saa la. ⁹ Oh kangbennuk! a tie n gunglbuole, a panŋ tuonaa fok bonciann. ¹⁰ Yubonn kan balaa, bonbiil kan baal a ŋaak ni. ¹¹ U saa t k u malaka nba n guula a sonnii kul nin; ¹² B sa jia nan b nii, k a taal kan gbiat tann. ¹³ A saa som yanbɔlaa nan wabɔtaa paak ŋaan b kan gaat. ¹⁴ Yennu yet: n saa fat wunba luonin, k bia guulɔ, k maan u min sann. ¹⁵ Wul tu ki yiinin yoo nba n tu sa jienɔ; n sii be nanɔ yoo nba k u be palbiil ni, k Fatua k donn u sann. ¹⁶ N saa tinnɔ, k bia t k wuu i di kiigboot yoo kul.