¹ Laat daal yanmani ² l ŋan nan tin dont kaagbennu, k yabit u sann, paapo! ³ K wann u ŋant nan u tekim yennu nan nyiɔk. ⁴ Ki jii bonmumuat nan u naagbai ki yin yanii k don tua. ⁵ Kaagbennu, a panŋ tuona tienin papienne; faa tun linba nae te k n yiin kpinkpanmuk yanii. ⁶ A tuona tie tuoŋannae, ka dudukit sumii bonciann. ⁷ Jatuk kan fit ban linba na, boliŋ kan fit bann linba paaki. ⁸ Biit danm kpaatil nan muatin na binba tuun tuobiit na lek sii mɔkitil, ŋan a tan saa bilibcaii. ⁹ Kilmaan fin kaagbennu a tie yiiko daanɔ yuokul. ¹⁰ Kaagbennu a datai kponne; biit danm na kula bota. ¹¹ A te kin mɔk munaab panŋ nae, kaa sualin kpaŋanm. ¹² N la kin nyann n datai, kin gbat biit danm mɔniwaa. ¹³ Niiŋanm saa kpaat nan kaat ii nae, b sii kpaatil nan Liban kpeeki nae. ¹⁴ K bul kaagbennu ŋaakin, k kpaatil yennu jiantu diitu. ¹⁵ Kii b tuu kpeta ŋan luo luana ki b faat mei yuokul.