¹ Yennu fine tun tie ti gungul buol yuo kul. ² K sua k a daa k nan dulnya; nan juat ŋaan sua k a tie yennu e. ³ Fine te k nisaalik ŋmat tant ni; k lebtl'ɔ k u kpantl tant. ⁴ K maan binba tu sil tie nan wenn nba wen gal nae. k jin nan nyiɔk na. ⁵ K a tuo buonɔ yiama nan damit nae, l tie nan sanyiɔk ni mɔmatuk na. ⁶ Li tu yinn puuk sanyiɔk ni; k yit; ŋaan dajuok po k lin kuol k siil. ⁷ A wutuol dii buonte e, k a palbil jek t gbanu. ⁸ A bil t biit a nunpo; k bil t bunbɔli dudukit na yienin ni. ⁹ A wutuol cuo jinŋ ti manfuola; k t bina saa gbenn yiama kukula na. ¹⁰ T manfuol janŋ bina piinlolee; k binba tie ja gbenŋa na mun bina piinŋmu; l kul na tie bankinte; k tie ninbaatil; t manfuol tu gbenne yiama. ¹¹ ŋmee mi a wutuol panŋ nba saa baal nan jaŋmaansuoluk nba? ¹² A wannit t manfuol nba tenn k jin biaŋnba k tin layan kii subi. ¹³ A wutuol saa do k wei nlee? yennu; tinin tinm a tuontunna ninbauk. ¹⁴ Gbientil nan a lomm sannyiok kul; k te k ti mɔk palpienn t manfuol kul ni. ¹⁵ ŋaant k ti mɔk palpienn ; k lin weinan t palbiil nba wei bianŋ nba na. ¹⁶ ŋaant k a tuontunna nla a baktinaouŋ tuon jaana; k t yaabuona n la a baakil yabnt. ¹⁷ T yomdaanɔ yennu; piisin ii be nant, k t k tin nyann linba kul k t tuun ni.