¹ Etan Ezlat yaniie na: ² N sii yiin yaniie yuo kul k maan a lomm na paak n saa jii mobe k mɔɔnt nan a lomm bee fanu yuo kul. ³ K maan u yeta: ŋant tie fiakl nba sii Tun siee kenken k bia wann a balmɔnii binbenŋ bee fanu nan sanpagbounŋ na. ⁴ N senn mɔsonn nan n tuontunɔ Dafitee . ⁵ A maalu ni nilɔe sii tun tie kpanbal; n saa te k a mauu mɔk panŋ; buolu. ⁶ Yennu; sanpaak yiin k dont a bakitinaunŋ tuona; k niŋamm yiin a balmɔnii binbenŋ na po. ⁷ Yennu sua kaa k tie nan fin nan malaka sua k tie nan finna. ⁸ Niŋanm sunsuuk nie k yentinube bonciann a mɔk baakil k gal binba kul be. ⁹ Kaagbennu yennu; sua kaa k tie yabint daanɔ k bia balmɔnii daannɔ bont kul ni. ¹⁰ K a dia mɔk gbenŋa; k l nyunpana. fiil yuo nba k a tuu dinŋl. ¹¹ A din jii a panŋe k nyann a datai; k faa k but butb k kpiib. ¹² Fine nan sanpaak nan tinŋ ni linba kul be l ni. ¹³ Fine nan ni diitu nan niiganŋ po kul. tabuol kunkɔnn nan Helemon yiin yanii k dont a sanne. ¹⁴ A kpinkpounŋ tie yiikuoe k a nuu mɔk panŋ. k a diitu nuu be sanpaapo; ¹⁵ ŋant nan balmɔniie tie a nangbounŋ fiakl k lomm nan balmɔnii be a tuann. ¹⁶ Yennu niib nba tumii k sii jiantl nan yanni palpienn tie b yale.ŋanme tie binba somm a yentu ni na. ¹⁷ B kpanm a sann nie daa kul k donta tuonŋana paak. ¹⁸ K t cɔlint manŋ nyii a buole, k a lomm ninŋe t k t fit nyann. ¹⁹ Yennue gann t guutua fin nba tie Islael tie balmɔnii yennu na. fine tultit t kpanbal. ²⁰ Sianyuoe k a din pak yentu ni k tul a tuontunɔ k yet a: n somm kunkɔnkɔnnɔ nan panŋa, n jii naan yiiko k tul daanɔ nba k n gannɔ niib na sunsuuk ni. ²¹ Mine muan kpaŋamm tuontunɔ Dafit yul paak k tienɔ kpanbal. ²² N panŋ sii be nanɔ; balmɔnii, n yiikuo saa te k u paal. ²³ U datai kan fitua, nitonsua kan ban jitua. ²⁴ N saa faa but u datai k bia kpi wunba kul manŋ . ²⁵ N si luon u maan k b nanɔ fanu k t k u laat paku yuo kul. ²⁶ N saa yaabin u naanyent. laa nyii sinsuuk ni mɔkgbenŋl k saan tuu yuelat mɔk. ²⁷ K u saa yetin a fine tie n baa nan n yennu, k bia tie n guutua nan n tienntua. ²⁸ K n saa jiiu k tienɔ n bijakpel k u si tie wun nba gal batnba kul ²⁹ .K n sii tun dia n mɔsonn nanɔ k n mɔlol sii tun be nanɔ yuo kul. ³⁰ N saa te k u naan be yayosiiyoo, k yaabuonne sii tun tie kpanbal. ³¹ ŋaan lii tie k u yaabuona k sak n sennu k bia waa n mɔb na, ³² Lii tie k b k sak n kpanii k bia k dia n sennu na. ³³ ŋann n saa dat b tubae k maan b biit paak. ³⁴ ŋaan n kan nyik lomm nan Dafit, kuo k kan biil n mɔlol nba k n lol nanɔ na ni. ³⁵ N kan biil n mɔlol nanɔ kuo ki nyinn mɔlol nba k n lol nanɔ na siali. ³⁶ N pal man n balmɔnii sann nae, k kat nan n kan ban faal faak k tul Dafitii. ³⁷ U sii tun mɔk yaabuonae, k mine sii golii u naan yent yuo kul. ³⁸ K l sii tun be nan ŋmaalik nba tun be sanpaapo biaŋnba na. ³⁹ A donn wutuol mɔtana nan a kpanbal nba ka gannɔ na wa k yetua k tabl taal. ⁴⁰ A biil mɔlol nba k a lol nan a tuontunnɔ nawa, luu naan foklik jakinti ni. ⁴¹ K yiel duo juona, k biil u ŋaŋanii na kul, k wun tien yann. ⁴² K niib ji jaan u bona k u lieb laau. ⁴³ K a te k u datai paak'ɔ k te k b kul mɔk palpienn. ⁴⁴ A te k kunkɔntiat tien yann, k te b paak'ɔ t'ɔb ni. ⁴⁵ A tiit u naan dammila k yiel u naan kok k bil tinŋ ni. K te k u jpet ŋaan k u yuo daa k baali, k te k u dii fie. ⁴⁶ Kaagbennu; a saa bɔl a mɔnŋ nan bia uoe k kan ban nyiki? ⁴⁷ a wutuol saa di nan muu na k lin wei n lee? ⁴⁸ Tiat faa j'inŋ n manfuol bianŋnba ŋmee sii tun be kan ban kpo? ⁴⁹ Nisaalik be k kan ban kpoo? ŋmee saa fit fɔkin u manfuol k kan ban kpo? ⁵⁰ Yonmdanɔ yennu a bil a ŋant nba k a din mɔk na lia? k a din pol nan Dafit a sii tun be manɔ na. ⁵¹ Yennu tiat a dabaa wahala po. Tiat nan n tɔt nan nilbul cianŋo. ⁵² OO yennu tiat a datai nba fua biaŋnba ba fua konfuat nba k jiin a naangbouŋ na po, a sann n baal paku libina nan libina amen.