^{1 2} N yomdanɔ yennu; fine tie n tintɔɔ; n fabn k tiena yennu nan nyiɔk kul. ³ Gbiintl n mialu; gbiintl n fabnii k sommin. ⁴ K maan palbil bonciann baaln; k n ji k fɔk nan kuumi. ⁵ N jii tie nan nilikb nba tuu yaa bin kpo nae; kin panŋ kul gbenn. ⁶ K ji tie nan binba k b tuu kpib k b dua kaat ni; ki tie binba k a ji k tian b po na. ⁷ K a jiin k lun kasunsunŋ ni, k l tie siaminba tie bunbɔnciann k bia sumii cib. ⁸ A wutuol duo n paak k yabta; k n dua nyunpana lɔnŋ ni. ⁹ A te k n yɔnanmɔnii nyikin, k te k n nubil b buol, k n be diluol; k ji kan fit cial. ¹⁰ N ninbina dinŋ nan wahala wa. yennu n yia daa kul k dont n nii; k meia. ¹¹ A tuun baktinaunŋ tuana; k tien kpiemmii? kpiemm fit fil k dont a sannii? ¹² A lomm nba kaa gbennu na; b piak l po kaat nii? kuo k piak a binbenŋanŋ; biilu buolii? ¹³ B laat a yaalituk tuona bunbɔnn ninŋ ii? kuo k laat a tuonŋana tinŋ nba ni k b tamm a po na nii? ¹⁴ Yennu; n yie fine maa a sommin; n meia sanyiok kul. ¹⁵ Yennu, bee k a yetimi? bee k a lek a numm nanimi? ¹⁶ Maa fiil k tie bika n di wahala k pel man kpowa a tub datu jikl na baki nimma. ¹⁷ K a wutobiiuk na butma; k a jaŋmaansuoluk na leku na bilma. ¹⁸ Daal n tu daal, l tuu lintime nan nyunmɔɔnn na; k set laanin lokil kul po.