¹ Kote waas e yin yanŋ na k tul yan-yinna saakua. ² Kaagbennu, a mantk din luon a duo bonciann. ³ N jiek di fala, k suman k u de kaagbennu ŋaak e. N pal nan n gbanant yikn k boi yennu nba fo po. ⁴ Kɔnbiaɔk mɔnɔ ŋaak, jab lankpiiti gbaa, mɔk b ŋei k beln b waas l ni, k l kpia nan a malunŋ binbinta. ⁵ Palpienn be bin nba be a ŋaak ni na paak, B bia saa fite k ŋanm dont'a. ⁶ Palpienn be bin nba duu a paak na paak. B laat b sɔnu k fin tiaɔnŋ tien. ⁷ Yuo nba k b gaal baaka baaɔk ni, b tuu te k lin kpant nyunlona. K saak baa bauuk ni, k l tie yetŋanm. ⁸ K b sonml ni b panŋ puki b soml ninŋ nan baa saa baal yennu buann siiaɔn duo ni. ⁹ Kaagbennu, kaagbenu sajenm yennu , gbiintl n mialu ! jaakɔb yennu, tuotl a tubl. ¹⁰ Fine tie naagbankɔnŋl gott oo yennu ! k gotl faa te k b muan kpan wuunba paak munm po. ¹¹ Mii dua a ŋaak ni dayenn, l cie nan min dua daa tusl sial po. ¹² N luon k mii sie n yennu ŋaak tanmɔkul ni, k cie nan mankua n biit lanbounŋ ni.