¹ Asaaf yanŋ na. ² Oo yennu a daa be ŋminŋminn ni, a daa ŋmin k bia daakaal, oo yennu. ³ K maan a daatai liat e k bin nba nan a na fii. ⁴ B bobt kpal bobna e, a niib paak, k duki bin nba k a guu na po. ⁵ B yien a, baat man k tin buont ni lieb sunsuuk ni. K sua ji daa tiatl Islaael sann po. ⁶ B kul taan k mɔk duduk yent e, k loln a paak. ⁷ Bin nba kua Edom, nan ismaaeliit nba, nan Moab-lieb, nan Hagaaenian nba, ⁸ Gebaal tieb, Amɔn, nan Amaalek nan Fiiliis tin nba nan Tiil-tieb, ⁹ K Asiili tieb mun bia pukn b po, k bobt u bin kɔn nan lɔt waas. ¹⁰ Tient'b nan Mandian tieb, nan siiela nan Jabin-tieb, Kiisɔn kpenu ni bianŋ nba ! ¹¹ B din kpiib, finn dot duo ni e. K b kpant tiŋ luln. ¹² Tient b batnba nan faa din tien Oleb seeb na k bia tien b kpanbala waas nan faa din tien sebaas nan Tsaalmuna na ! ¹³ K maan b yien a: t fat yennu doi na. ¹⁴ N yennu ! ŋaant k b i tie nan saapeln na k bii bia kii tie nan nuat nba k wounŋ tuu jii na. ¹⁵ K yekt b pak nan muu di fual nan mupiennu nba tiu di jaul na. ¹⁶ Islaael tieb i mɔk palpienn nan wunba nanm na paak ! k sion waas i mɔk kpinkpan muuk, k maan b kpanbl paak. ¹⁷ Oo kaagbennu, dintn't fei nba yab . A k bin fil kpaan a sann. ¹⁸ A te k lin ŋmat'b k jaŋmani ii mɔk'b yuo kul, k bin di feik kpo. K bin bann nan fin kuukua sann e kaagbennu fin kuukua e be paapo k gal bone kul tinŋ na ni.