¹ Yennu be yennu niib tintanu ni, u be b sunsuuk ni k bu yenbis buut. ² N lie yuo e janŋ na i bu faak buut, k bil nibiit na a? ³ Tunmin bonŋann k tul wun nba kapalu nan kpebk, bu buut k tul wun nba be ninbatl ni nan talasdaanɔ. ⁴ Nyint wun nba banŋ nan faladaanɔ k yab k fatb nibiit nuu ni. ⁵ K maan b k mɔk bann k bia k sub, b sonm bunbonn nie, k tinŋ saa bil nan l fiakaa waa. ⁶ N yen'n a: i tie yenbis e, k tie yennu nba be sanpaapo na waas. ⁷ L paak i saa kpo nan nisaalii nie, i saa ba nan bat bija nie k bil. ⁸ Oo yennu, fit k bu tinŋ buut ! k maan a mɔk digbana kul fal.