¹ Yiikin i palmann wuu yiikini k tul yennu, t kɔntua, tuln saakɔb yennu baakcianŋ ! ² Faan bomumuat, jiin ginganbis, ³ faan biat nan natunn k li man. ⁴ Peebin natunn ŋmaapaan, jamm daal i peb ŋmaayienŋman. K maan l tie sennu e k tul islaael, k tie saakɔk yennu wannu. ⁵ K maan l tie sialaa e k wann Suosiaf, yuo nba k b bo kɔn nan Egipt tieb na, N gbat kunkɔl nba k n k mi bannl. ⁶ N bukt bonkpiatl a buapiat pak, k a nii saa foi nan kpancub-kpiata woktu. ⁷ Yiikin a ninbatl ni, k n fata, n jinna ŋmiŋminn satiani ni, n bikna nyinn Meeliba nyun buol. ⁸ Gbintl man, n niib ! k n saa wanni na, Islaael, lii tie k a bo gbinnt'n ! ⁹ Yenbis k b a ŋaak ni a k gbaa k jiantl yensanu bua ! ¹⁰ Mine tie kaagbennu, a yennu, wun nba din nyinna Egipt tinŋ ni, yatl a mɔb, k n saa gbenn'l. ¹¹ Ŋaan n niib k gbat n mɔb, islaael bia k luon ji b mɔny k tie n nin. ¹² L paak k n nyik'b k b tuun b palaa lonm, k ŋmat saan tuun b yanbua lonm. ¹³ Oo ! Li tie k n niib bo gbinntl'n, li tie k Islaael bo tuak n sonnu ! ¹⁴ Yuo mintk n na n bo saa dinn i datai fei, k ji n nuu k tuun ŋmat i ninnanta, ¹⁵ Bin nba sakt't kaagbennu nan fak dontl na, k maan b yuo si guub e k kan mi gbenn, ¹⁶ Yennu si dint Islaael nan di nba ŋan, k bia si gbont'b nan mukni siat nba man.