¹ Islaael kpaltua, luotl tubl k gbint, fint nba kpal Suosief nan bonkobt na fin nba kal seelubin nba sunsuuk ni ! ŋaan want a panŋ. ² Eflaaiim, Bensaamin nan Manaasel tuan, ŋaan want a panŋ, k jiin n fielu po ! ³ Oo yennu, ŋant k tin jen ! k fan galt k tin la fielu ! ⁴ kaagbennu, kunkonkɔnna yennu, n lee yuo e k a wutuol sa mak, k fan jin a niib mialu u ? ⁵ A dintb ninbatl jiet e, k bia nyutb nyuu nan biknuu muntaa na wa. ⁶ A jit k t kin nan nanŋ t ŋaakpiat nba buol k t datai laat. ⁷ Kunkonkɔnna yennu, ŋaant tin jen ! k fan galt a nunm ni, k tin la fielu ! ⁸ A din fat't Egipt, k bel niib b duoi ni ŋaan kaant lenŋ. ⁹ A pial tinŋ fiig kpaab nan ŋan, k u jina yat put duo kul po. ¹⁰ K u masu dɔnkin juat, k u yiini duo kpeki nba fɔk. ¹¹ K tant u yiini k l saa tu mɔkl, k u yiini put k saa tu kpengbeŋl. ¹² Bee k a pat gɔtuk na ? K soŋalta gal k bil, ¹³ Fualin duolik bil k muuk ni bonkobt ŋman mii. ¹⁴ K mɔkgbennu yennu, jenin ! sanpaak lik po wa, k goli k bia laat: gɔnt l finŋ k bia guul'l, ¹⁵ Ŋua nba bul'l nan u panŋ nuu na, bik nba k a t k u kpaat yiana nan panŋ. ¹⁶ Ŋɔe bil k dii muu na. A manuum bil b pak, k b bot. ¹⁷ K a nuu n dia u nba tenn na, nisaalik bija nba k a panŋ be u ni. ¹⁸ Mɔtaa na t ji kan mi k kpiat a buol, k fan tult manfuol yuo nba k ti yi a sann. ¹⁹ Yonmdaanɔ, k mɔgbennu yennu, ŋant k t jen a buol, k a manuum n yent k guult, k tin la fielu.