^{1 2} Yennu a mɔk ninbatinu nan a duo. a te k a niib Islael tieb bia ŋamm mɔkita. ³ A nyik cab a niib b yanbɔmma. k bia piin b biit kula. ⁴ A nyik k ji k dont wutuol nanmi; k suol a palpienn na. ⁵ Yennu, fine tie t tintua; jenin nant, k nyik k daa dont wutuol nanti. ⁶ A saa donn wutuol t paak k l k mɔk yuo? a kan ban nyik a wutuol manŋi? ⁷ A ŋanmit k tii paal k tinm nba tie a niib na n dont a sann. ⁸ Yennu want a lomm nba be yuo kul na, k bia sonmit, k fielit. ⁹ N saa gbiint linba k t yomdaanɔ yennu yet a: b daa ŋmat baa b yat binbenŋ ni; u senn mɔsnn a u saa tul tinm u niib palmaasila. ¹⁰ Balmɔnii u tien siil, nan wun tinn binba baakitɔ, k u baakil saa kpakin ti tinŋ ni. ¹¹ Lonm nan balmɔni paku. ca lieb k kasii binbenŋ nan palmaasil baln lieb. ¹² Binbenŋ saa nyi tingbauŋ na nie; k popiensim n nyi yendɔunŋ ni. ¹³ Yennu saa tult linba ŋan k te k t tinŋ n kpiak k nan jiet. Popiensime tuu lii yennu tuɔnn, k ŋanmit sɔnu k tienɔ.