¹ Yennu set ŋan k tul Islael tieb, u ŋan k tul bin nba pala yeen na, ² Minŋalin, l bo kaa waan k n ji bo kii mɔk dindann u ni n yada bo saa gbeen na, ³ K maan n bo funm nan dontin n mɔnŋ danm, yuo nba k n la nuaanbiit danm mɔkitl na. ⁴ B gbanant k yekitl, k b wakii k mɔk laafia. ⁵ B k di fala nan lieb na, b bia k lat daanmi nan lieb na. ⁶ L paak k b jii galuk k tuun k l tie tuliat, k jii kpikpiluk k pin k tie nan cincenn na. ⁷ K b pala nyint bonbiil, k b yan dukii tuonbiit tumu k k bakitii. ⁸ K b laa lieb k piak mabiit k tienn, k mɔk kalinbaani, k lolin a bin biil lieb, ⁹ K piak bonbil k jiint yennu nba be yendounŋ ni na po, k bia dia galuk k want tingbounŋ na niib baa sii tuun biaŋnba. ¹⁰ K l tie yennu niib n ŋmant tienm yada nan lin nba kul k b yeen. ¹¹ B yeen a: yennu kan banni; wun nba tie yabint daanɔ na kan banni. ¹² Nuaanbiit danm nba tie bianŋnbaa e na.b mɔk mɔkint bonciann k bia laat k l putiib. ¹³ Maa sool n mɔnŋ k k tuun tuonbiit na, li tie yannee? ¹⁴ Yennu, a t k n bakit daa kul, k sanyiɔk ni kul k a daal n tubil. ¹⁵ Lii bonii tie k n yet mabuolu na, n bo saa julin a niibe. ¹⁶ Maa yabil k dukin daami na po, l paakime tiee. ¹⁷ Nan maa tan kua a ŋasaakak na ni, k n ji bann lin nba tan saa baal nuaantbiit danm paak. ¹⁸ A tan saa sennib siaminba ŋalii, k bin baa but but. ¹⁹ L kpan biliibe k b ji siik k saan wolibuk ni. ²⁰ B tie nan damiit nba tuu bot sanyiɔk ni nae: yennu, fiil, b tuu bote. ²¹ Yuo nba k n pal bo biil na, n dudukit bo danmime nan n siak k ni wa, ²² N bo jatike nan pieuk na, k k bant a maan na paaki. ²³ ŋaan n lek be nanae yuo kul, k a suol n niidiitu k dian. ²⁴ K a dian nan kpaanii, k l juontik, a tan saa galin nan baakl. ²⁵ N jii mɔk bee yendounŋ ni, lii kii tie fini kaa? k tingbounŋ na paak, n k luon sial k pukin a po. ²⁶ N gbanat nan n yan saa banŋ, ŋaan yennue saa tulin panŋ, ŋua kuae k n sii luon. ²⁷ Niib nba nyik yennu na saa kpaakin yanne, u saa biil bin nba k b fanu nanɔ nawa. ²⁸ Min ŋalin, l ŋan bonciann nan maa naak yennu na, n jii yabint daanɔ yennue k u tien n gungul buol. n saa pak wann u tuona kul.