¹ Asap yanŋ . Bia paake, m yennu ! k nyiikit yuokul i ? Bee tien k a donn wutuol a niib paak i ? ² Tiat a niib nba k a daan yaanib sian you, k a tiinnib k b tie a faal ! Tiat Sion jual nba daan tie a binbebuol na po. ³ Ŋmaan a ta sian nba biil na buol ! T daatak na biil a kasi buol a. ⁴ A daatai yikin a ŋaak sinsuuk ni, b bil b mɔnŋ nyinn. ⁵ T laaba, k b tie nan danm nba dia piak k cuan fual ninŋ na; ⁶ K mɔtaana b iil a ŋaak na kula, k dia pai nan jaa k bit. ⁷ B juo muu a ŋaak na, k biil a sann nan a binbe buol na. ⁸ B yien b pal ninŋ a: T biilib nan panŋ ! b ju duo na ninŋ kula sian nba tie kasi. ⁹ T k laat t bona, sɔkini ka t buol, k sua ka t buol k ban l yuo. ¹⁰ Bia yuoe , o yennu ! daatak na saa biila ni, k daatai na si biil a sann mɔk mɔk nan mɔk mɔk i ? ¹¹ Bia paake k a nyint a nuu nan a ŋaati ? Nyiint a nu k biil ! ¹² Yennu tie n kpanbale yuo nba din gal na, ŋɔe nyint tinm tingbonŋ na ninŋ. ¹³ A panŋe din te k mɔkl bɔkit, k yaakit bonsusuot nyun ni, ¹⁴ K yaakit bantɔnŋ yuul, k tul a niib jiet paanpieonŋ ni. ¹⁵ Fine din luot nyun tona k nyun nyi. Fine bia te k kpengbenŋa fual. ¹⁶ Fine nan yennu nan nyiaɔk, k bia nan yennu nan ŋmaalk. ¹⁷ Fine din wann tinŋ telik paak, k bia te k siaɔk nan pial bia be. ¹⁸ Yennu tiat nan a daatai biilae, k binba k mɔk yaan biil a sann. ¹⁹ A daa jiikit lajelik siek k tien bonkobit i, a bia daa tanmit talasdanm po yuo kuli ! ²⁰ Tiat a mɔlol na po, k maan duo na gbien nan tuonbiit danme, lokl kul po. ²¹ A daa te k binba k l dinm na n di fei ! k ninbaatl daanɔ nan taalas danm n dont a sann. ²² Yennu ! fiit k kɔn a paak ! Tiat niibiit nba biil a sann bianŋnba dal kul ! ²³ A daa tanmit a daatai nba poi niipuot na po, k fu fuut nan tintianpali k biil a sann !