1 Yennu wann bat k wuu bu nan a balmɔni na; tulimɔ a tiɔnŋ balmɔni. 2 K lin te k wun fit dia a niib nan balmɔni , k bia talatdanm nan naan palpienn. 3 K juat ii mɔk a palmatil na; k tul a niib kunkɔna munii b naan popienn . 5 K na sii bu talii buut nan balmɔnii; l ii sonmit talat danm. 4 A te niib na ii tun ki, jiantil nan yennu nba tuu doo na; k ii bia bia jiantila nan ŋmalik nba tuu doo na. 6 A te k a bat na ii tie nan saak nba tuu ba kpaant ni na , ki ii bia ki tie nan sa minmiuk nba tu ba tinŋ paak na. 7 A te k a palpienn n yaapbt u manfuol yuo, k bia te k mɔkint tii tun k ii be , nan ŋmalik nba tun be bianŋinba na 8 k i u tinŋ yial saa lat nyii mɔkigbenŋil k saa tuu mɔkgbenŋ liel ; k nyi Yuflat mɔkil k saa tuu tingbonŋ na kul po. 9 Niib nba be kunkuok paak na saa gban u tuann k u datai n baa faabin tinŋ ni. 10 K Spienn bat nan binba kua tinii nba be mɔkgbenŋaa snsuuk ni na saa jiantua, k Sieba na Seba bat saa baal nan piini. 11 K bat nba kul saa gbaan u tuann k digbanna kul n jiantua. 12 K u saa sonm talat danm nb mialua nan nandanm nba b niib yetib na. 13 K u sii mɔk ninbatinu nan talat danm nan nandanm ; k bia saa fiel talii manfuol . 14 K fat danm nba k b ŋmanŋib , k bia mabib na k maan b manfuol mɔk nyuat k tulɔi . 15 B manŋ manfulo nba fɔkit ; Sieba nan Salima na ii tie u yal, k niib bi mei Yennu u paak yuo kul . K Yennu piisin ii be u paak yuo kul . 16 K jiet ii be duo manŋ ni, k kunkonna; gbie nan bonbubulit ; k lon luana, nan Liban yal na, k li doi gbie nan niib ; k lii tie nan muat nba tuo pa tinŋ paak . 17 K u sann sii tun bee; nan yenpionŋ nba tun be na; k b tan tanm bat manŋ sann; k digbana kul nba Yennu, k wun tien piisin bi paak nan wa tien bat na paak bianŋinba na. 18 Donti,l i be ti yonmdaanɔ Yennu nba tie Islael tieb Yennu na paak, ŋua kua n tuun bakitnaɔnŋ tuona. 19 Ti dont u baahil sann, nan yi nba kaagbennu, tingbonŋ na kul n gbie nan u baakil. 20 Dafid nba tie Isai bija na yenmial juontk e na.