¹ Be kaa dont a mɔŋ nan tuobiiti fin nijaann-ne ? Yennu lonm be-e mɔkmɔk nan mɔkmɔk. ² A lolin a faa biil leeb kaamɔb di nan blepanne kaa fa faɔk. ³ K loulin bonbiil k gaal bonŋann k luo faɔ k gaal balmoni. ⁴ K luo fɔk nba saa paak k biil leeb faɔk daannɔ ne. ⁵ Baalmonni yennu saa biila-e fas-fas u saa sulae k daata k yninna aŋaakninŋ u saa nyinnae niisali tinŋ ne ni. ⁶ K niŋnamm saa la linba k tin jaŋnammi k sa laat k yiet e. ⁷ Gotl jua nba ne-e k jii u mɔŋ k tul yennu ŋaa maa u mɔkt paak. K duuki nan mɔkbiit san sommɔ. ⁸ Min ŋanniŋ tie kpan tiik ne-e k see yennu ŋaasakak- ni n yaa nyuan be u lomm nba mɔkmɔ mɔkmɔ. Yennu n sii k tie na nipuoko faa tuun l ba k tuliŋ ne paak. A saann nie k mɔdindann. K maan a saann ŋan . K saa donta a saann ŋan a niib tɔɔnn. Gotl niilua ŋba k jii yennu k yiinua sommtua. Ŋaan juab u mɔŋcab nan u mɔktuuk u taa saa ba u sub nii ne paake. ŋaan min be yennu ŋaasakak ninŋ k tie nan olivier tiik nba buntl ne yennu ŋaak ni ŋ juab n mɔŋ k caab nan yennu lbina nan lbina. ⁹ Ŋaan min donta yuo kul k maan a tuu nannin, k n luo mii mɔk dindaan a saann ni, k maan a tie wunba mɔn, a polpo waala po.