¹ Daafit yanŋ .Yanŋ nba k u din yin yuonba k yennu sɔkini Natan din bal k wɔnɔ waa din dua nan Bat seba na . O n yinmdanɔ tinin ninbaatinu paak, piint n biit. ² Wuutin fanu k man nyi yanbonm nan biit kul ni. ³ K maan n ban nan n be yanbonm biit ni. N tun k biilawaa, n biil fin kunkua e . ⁴ n tie linba kul k ŋa, a numm ni wa. ⁵ N din tie yanbondaanɔe yuo nba k b din malin na. K bia tie biit daanɔ yuo nba k n naa din suol n puol ne. ⁶ Ŋaan a luon balmɔnie i be nifosalik pal ni. Kuant yanfuonm nan bannu n ni. ⁷ Wuutin yanbontona kul k mii yien, wulimin k mii pien nan sakana ne. ⁸ Ŋaant k man gbat palpienn nan palmasil maan , k n kpaba nba k a lek konn-konn ne si kpanm nan palpienn. ⁹ Lekint a nunm k daa goli n biit, piint n yanbontuona kul. ¹⁰ Yennu! ŋanmit n pal k lii ŋan k ŋmat k pant n siek nan binbenŋanŋ. ¹¹ A daa bielin k fakitil nanin a buol ni, a daa gaan n buol a foŋanm ¹² A tulin a tinnu kpinkpanmuk , k te k yanfɔŋanm nba ŋan lii ŋmaktlin. ¹³ K n sa wan yanbondanm a senni, k biit danm n jen a buol ni . ¹⁴ Yennou n fietua ! Nyontin sonm muanu ni k n saa wan niib a ninbatinnu po. ¹⁵ Yudaan luotil n mɔb k man pak k dont a sann. ¹⁶ A k luon malunŋ, n nei kaa n bo saa jiie k tula, A baka bia kaa mujuonu piinii ni. ¹⁷ Salk nba ŋan yennu po tie sikin n monŋe, k a kan yet daanɔ nba sikin u monŋ k lebtu pali. ¹⁸ Yennu tinin Sion duo ninbaog k som l duo,maan selusalem juana. ¹⁹ K l paake sa te k a pal man nan fan tuo k gaal malunŋ nba ŋan nan salk piinii. K b j sii kpinajai k mann malunŋ a binbintil ne paak.