¹ Yankalin damm dukii bi pala ni a yennu ki be. Sua kul tie niyonne, ki tun bonbilankanta sua kaa ki tuun linba ŋanni. ² Yennu be u ŋaak ni ŋaan golii nisaalii a wun laan siab be ki sub, ki bia jiantil'ɔ ? ³ Ŋaan bi kul ŋmante ki tuun tuonbiit. Ki bi sua kaa ki tuun linba ŋan. Nan yenɔ kuawa gbaa. ⁴ Yennu boi a, Bi ki mi i ? tuonbiit damm maŋ ki mi siali i ? Bi di n niib nan nilɔ nba tuu di jiet nae ki bia ki meimi. ⁵ Jaŋmaani bia saa ŋamm suolib ki gal baa tuu mi biaŋinba, yennu saa kpi u niib datai ki yat bi kpab a. Yennu yetibe, ki saa te ki Islaael tieb na n nyannib ⁶ N mei yennu e a nyannu n nyi sayɔn . Ki baal u niib Islaael tieb paak, yuo nba ki yennu saa te ki Islaael tieb na n mɔkit na , bi tan sii mɔk palpienn bonciann.