¹ Palpienn tie danm nba yennu nyik cab b yanbɔnm, k bia piin b biit na yale. ² Palpienn tie daanɔ nba k yennu k paak nan u tun k biil, k u bia k mɔk kpinkpaani na yal e. ³ Yuo nba k bo ŋmin k k fiit wanna n biit, n gbanant bo banŋe k ka panŋ, k maan fabniinba k n fabn dal kul m paak. ⁴ A ji a nuuk daaln tubl yennu ni na nyiɔk kul, k n panŋ gbenn nan yenkonin yuo muat na. ⁵ K n ji fiit n biit k wanna, n k bɔlaa n tuonbiitii. N yet:N saa paak dont k tul yonmdaanɔ saa nyik cab n biit.. ⁶ L paak wun nba be fanu nana, wun miala yuo nba k u be muukil ni, lii lenŋii pil nan nyunpana na, ŋaan lin kan tiena sial. ⁷ Fine tie n gungul buol, k a saa nyinin wahala ni, n saa yin nyinu yanŋ k tula k maan fine guun li kul po. ⁸ N saa tumila, k wanna sɔnnu nba ka saa tɔnkin, k kpanna k bia sii guu'a. ⁹ A daa tie jatuk nan taanm kuo bonŋ nba k mɔk yan, ŋaan k b ŋmaatl'ɔ nan tanbobit nan tangalika, ŋaan sial k bat'ɔ na. ¹⁰ Nuɔnbiit daanɔ saa di fala nba ka kann, ŋaan yonmdaanɔ lonm si guu bin nba tiennɔ yada na yuo kul. ¹¹ Ŋaan yinm nba tie niŋanm na, i mɔk palpienn ki kpanm kii mɔbt, k maan yonmdaanɔ nba tun lin nba tuli na paak. Yinm nba sak u mɔb, i yin yani ki yikin nan kpikpanmuk.