¹ Niŋanm, i kpanm man kaagbennu ni ! Dontl be niib nba tuok fanu paak. ² Ii faa kɔnn k tul kaagbennu niipuok, ii dontɔ k faa biaɔk k tulɔ. ³ Ii yin yanpaanŋ k tulɔ ! k faa bonmumuant fanu k bia yikn nan i kunkɔla ! ⁴ K maan kaagbennu mɔmaan tuok, k u tuona kulgbient nan teknm; ⁵ U luon balmɔni nan teknm; k kaabgennu lonm na gbie tingbounŋ na. ⁶ kaagbennu mɔmaane k u din jii k tak sanpaak, k jii u mɔbona k tak b kunkɔnkɔna kul. ⁷ K u taan mɔkgbenŋa nyun bɔyennu kua buol, k u taan mɔkgbenŋa nba sumii na bɔyenn kua buol. ⁸ ŋaant k tingbounŋ na kul n jie kaagbennu ! k tingbounŋ na niib kul n jekl u tuonn! ⁹ K maan u pake, k bonn manŋ baal ; k u tul mɔb, k u be. ¹⁰ Kaagbennu ŋmat tingbounŋ na tieb dudukt, k biil buolu manŋ lola; ¹¹ ŋaan kaagbenu pal ni lola see ken ken yuo kul , k u tuun waa luon bianŋ nba yuo n tuu yuo kul. ¹² Palmaan be duo nba k kaagbennu tie b yennu! palmaan be buolu k u ganib k b tie u faal! ¹³ Kaagbennu be yendɔnŋ ni , ŋaan tibin got k la nisaalk waat kul; ¹⁴ u be siam nba k u ŋaak be na ŋaan goli tingbounŋ na niib kul, ¹⁵ ŋuae nan b pal k mi baa tuun linba kul ¹⁶ L k tie kunkɔkɔna janm nna kaa saa fit tinn kpanbal, l bia k tie panŋ janm nna kaa saa fat kunkɔnkɔna saa kua; ¹⁷ Tɔb taanm kanfit te k nyanu n baal, nan u panŋ kul ŋaan u kan fit tinni. ¹⁸ Gotl man, kaagbennu ninbinn be binba jieu paak , k bia be binba guu u lonciaɔnŋ na paak, ¹⁹ K nyinn b nalmi kuun ni , k bia te k bii mɔk manfuol kon yuo. ²⁰ T nalinŋ maa kaagbennu paake; ku tie t tinntɔ k bia tie t naagbankɔnŋl. ²¹ K maan u nie k t mɔk palmann, k maan t tien yada u kassi sann na nie ²² Kaagbennu ! ŋaant k a lunm i be nan tinm , nan taa maa t dindann a paak bianŋ nba na !