¹ Yanyina saakae yin yanŋ na. l yanŋtie Daffid yanŋe. ² Yennu kpanbal na kpanme, k maan a tul'ɔ panŋ a. u mɔk palmann k maan a sonm'ɔ k u la nyannu wa. ³ A gaal'ɔ k tul'ɔ lin nba k u luon na. a k min'ɔ li nba k u boi na po. ⁴ A baal u buol k tul'ɔ yet ŋanm a. k yulm'ɔ naan folk. ⁵ U boi manfuol po k a tul'ɔ, lin nba saa fɔkt, k kaagbennu. ⁶ A sonml paak e, k u yudant na yab, k te k l ŋan k bia mɔk yükuo. ⁷ A te k u tie nil'ɔ nba k a yat yetŋanm u paak yuo kul u paak yuo kul. k te k u mɔk palpienn, lii tie k a be na'u. ⁸ Balmɔni k pal na duu yonmdaanɔ paak, k yanbt yennu nba be sanpaapo na paak k u kan baa. ⁹ OO kpanbal, a nyann datai na waa k a nuu saa nyann binba nan'a. ¹⁰ K a saa juo'b musaakau ni, yuo nba k a baal'b. n t yonmdaanɔ wutuol ni u muu n di'b. ¹¹ U saa buont b yaabuonna tinŋ na paak, niib nba tie b buolu ni. ¹² Lii tie k b kpaan a bin biil'a, k bɔli lun'a. b kan fit tien sial. ¹³ A saa yek'b a pieni na, k bel'b k bin cial.