1 Yanyin bat nba Daafiit yanii. 2 Kaagbennuk gaal a meitii dabiil daal, sakob yennu sann n guulaa! 3 A fatuu n nyinyennu ŋaak ni k baal, k siion duo ni wun diaa! 4 Wun tiat a piinii kul po k gaal a malunŋ 5 Wun tulaa a pal nba luon linba, k bia gbien a maalin kul! 6 T kpam a fiilu na paak, k dont linba tie te ninnɔnŋ na yennu sann paak, kaagbennuk gaal a puotii kulaa? 7 N ban nan kaagbennuk tinn wunba k b muan kpan u paakaa; u gaal u meitii sanpaapo, u ŋant binbe buol na, nan u nidiitu panŋ na sonmil ni. 8 Nisiab duo b taanii paake, k lieb duo b taantolt paak; tim ŋanin tuyiin kaagbennuk, t yennu sanne. 9 ŋanm tuu pɔle, k bia baa; k tim ŋanin siie sanpaapo, k ki dam.