¹ Dafit dian na k tien yanyina saakab. ² Saapaak want yennu bakil nba tie bioŋinbac k sanpagbant nuatil u niin nba ŋanm linba. ³ Daal kul muantil ki tien daal nba waac, nyiok n tuu nyik want yennu bannu nba tie e. ⁴ L k tie lanbona ka k bia k tie momaanka t k gbia b kunkɔla. ⁵ T laat b tuona tingbonŋ na ni, b nubilu gbia dunia kul po, sian nba kuu te yentu be. ⁶ Sayniɔkni u tie nan nasimua nba kuan puo paann k nyi u diukni k be nan palmann nan panɔ danua, k saa u sennu. U tuu nyin sanpak nyakl ni k tan saangben u juok liel po ŋaan daat u panŋ. ⁷ U tuu nyin sanpak nyakl ni k tan saangben u juok liel po ŋaan daat u panŋ. ⁸ Kagbenu senni tie balmɔni, k bia teek panŋ be fannu. Kagbenu wannu ŋan, k tien nilɔ bannu. ⁹ Kagbennu wannu tuak l manŋ, t pala, kagbennu senni yien k bia sonmit nyuɔtu fan. ¹⁰ A jie kagbenu li tie boŋan na k tu la nan yuo nba k mɔk gbennu, kagbennu yikot tie balmɔni e yuo kul a. ¹¹ K ŋan k ciel kut tan k man cie siat, nba tuu be sabent ni na. ¹² Yomdanɔ mi nin nba tie a tuontunnua n la mɔl t sii mɔk nyuat tii waa a mob. ¹³ Nme mi u biit nba ku k mi li po? A nyik cab n biit nba k n mi lipo. ¹⁴ Dɔkint n tub kangbata paak, k b ji daa bat n. n na b ji daa taalin bonciann. 15. Gaat n momaan nba nyi n mɔb ni fanu nan ma duki lin nba pal ni a buol na. Kangbenu fin ne tie n somtua nan fietua!