¹ Ki jiin kangbennu tuuotunnua yanyinna n ba canbaa nba po, nan David, ki bi din pak tul kangbennu yanŋ na lanbona, yuuo nba ki kangbennu din nyim bi datai kul nuu ni, nan Saul nuu ni. Wu pak a: ² N luuona, o kangbennu, n panŋ! ³ Kangbennu, n tanpiuk, n panŋ bé a ni-é, n fatua! N gutua, panŋ nba nyintin n datai nuu ni, n sanpaapo bunbɔl buuol! ⁴ N siié ki piak ma: kangbennu sann n la yabint! ki n yii datai nuu ni wa. ⁵ kuun gbina daan kaané ki lintin, biilu yuuk ki gaal n paak nan nyunpla na; ⁶ kaauk gbina daan kaan ki lin tin-ma ki juun bon baankala tulin yaalituk-a ⁷ N mabl ni, n yiin kangbennu-é, n yiin n yennué, u naan koko paak, ki u gbiintin kunkɔl, ki n wuyikini paal wu buol wa tuba ni. ⁸ Ki tiny din ŋak ŋaan jekl, ki juut fiaaka bit bit, ki ŋak ŋak, ki maan u wutuol din duowa . ⁹ Ki munyuat din nyii u manbona ni, ki mupiénu nan musankuana nyii wu mob ni. ¹⁰ Wu din dat sanpaak ki nakin nan tienŋ-é, ŋaan sik: ki sanpagbon-bɔk kpietl din be wu taapant ni. ¹¹ Wu din duo bonfol n ba mɔk kpikpant na paak-é, ku yukl ki wony lin tl nannɔ. ¹² Wu din jii bunbɔnne ki dɔkin u nonŋ, ki san-pagbon-gbakisil nba gbié nan nyun na, kaan lint u muun po-é. ¹³ Ki sakaana nan mukpana nyii ki san nyikin tii ni, wu tuaann po, ki baat tan bɔkint san-pagbonŋ na kigaal. ¹⁴ Kangbennu tant sanpaapo-waa, ŋua n ba bé sanpaapo na, te ki nuua kul gbat wu kunkɔl, nan sanyikintu-é nan muukpana. ¹⁵ Wu din yeki wu piienii na-é ki bel ki yat n datai na, wa din ŋanm ki pukin saatianii-é ki te ki bi cial. ¹⁶ Ki nyun-tiny dɔkt, ki tingbonŋ fiiaka nyuuant a wutuualk-é kangbennu! nan fuul nyi a manbona ni na paak. ¹⁷ Wu din tant wu sanpao nuu na, ki suuolin ki nyinnin nyunciant ni; ¹⁸ Wu din nyinnin n dataak nba mɔk panŋ na nuu ni, nan n dataai nb mɔk panŋ na nuu ni, nan n dataai n ba mɔk pany ki gaalin. ¹⁹ Bi din pikin daalin nba kin duan bé mabl ni; ŋaan kangbennu-é din tie n sonmtua. ²⁰ Wu tienin sianba yalinmé, wu nyinin damy ni, ki maan wu luuonin. ²¹ Kangbennu tun ki tulin ki saan gaan ma tuak san sunsonn na po-é, n ŋant paaké te kuu jiinin n na; ²² Kimaan n cɔlin kagbennu senni-é, ki bia ki biil n yennu. ²³ Wu sennii na kula din be n buol ni-é. Ki n din k nyii wu yiikuo n ba na ni. ²⁴ N din ki mɔk jali nannɔ, k biè din suol n mony nan man tun biit. ²⁵ Bièk kangbennu jiin ki tulin ki saan gaan nan ma tuok bieny n ba-é, nan n nii n ba ŋan bienŋ n ba wu nunm ni. ²⁶ Wunba ŋan nan na, a mun tu wann a monŋ nan a ŋan na, nua n ba tuok nan na a tu tun linba tuoké ki tul li daanu a-é, ²⁷ Nua nba ŋan nan na a tu wannua a ŋante, danua nba ki sikint wu monŋ a mun tun ki tulua nan wa tié bienŋ n baa-é. ²⁸ A tuu tinn buolik nba sikint bi monyé ŋaan sikint binba dont bi mony na. ²⁹ Fine tienin yentu; kangbennu, n yendu, yentlin bunbonn. ³⁰ Fine tiennin panŋ, ki fit nyann bi jatuk. ³¹ Yennu sɔnii mantik ŋan paa, kangbennu mobona mantik waa lieel; wa tié magbankonŋle ki tul binba kul jii bi monŋ ki cabua-e. ³² Kimaan ŋinié tié yennu, li ki tie kangbennu-i kaa, ki biè tié tangbonŋ, ki li ki tie ti yennu kaa? ³³ Yennu-é tiennin panŋ, kki ŋmaktilin ki tɔkint sanjok nba soni ni. ³⁴ Wu te ki n taa tié nan pialɔ tab na-e, ki tuuatin juon jaana pak, ³⁵ Wu te kin n nii fit ki faa tɔb, ki n kpinkpant mun fit ki daal talbanna, ³⁶ a tienin a faabu yiiko-é, ki a diitu na diièin, ki n tien nyaan a ŋant paak. ³⁷ A tu yalk sanjoko yennii nba ki n som, ki te ki n taapant ki ŋmaan ki kpeti. ³⁸ N tuu wei ki bel n datai-é, ki baalib, ki n ki jent ki ki biilibi. ³⁹ N tuu faa biilib tinn ni, ki bin gbal fiilu ki n nyannib, ki bi dua n tuann. ⁴⁰ Fine tiennin panŋ tɔb ni, ki te ki n datai tunn. ⁴¹ Ki te ki n datai cial ki nyikin, ki n biil binba namin na. ⁴² Ki bi yikin ki luuon sonmil, ŋaan sua ki gbiinm; ki bi yi kangbennu, ŋaan ku ki tienm jiinu. ⁴³ Ki n biilib, ki bi naan nan tanbiinii nba ki wonŋ tuu pebl yaat nann na. Ki ŋmaatib nan tant nba tuu dua sanjot ni na. ⁴⁴ Ki a fatin ki n nyii myédanm nuu ni, ki tiennin digbana na dialɔ; niib nba ki n tuu ki mib na, ŋanme ji tiennin baakl. ⁴⁵ Bi cɔlinmin cincimn paak, ki dugbangann waas bontin; ⁴⁶ Dugbangana waas tun ki biila, bii nyi bi dugbanpaala ni bi tu jeklé-é. ⁴⁷ Kangennufo, ki n tangbonŋ n la yaabint! ki n taabu yendu sann n la yabint, ⁴⁸ Yennu nb kon n paak; ki banŋŋit niib nba tié buol gani na. K nyintin n datai ni! ⁴⁹ A te k n tu nyann n datai, k nyintin kpikpulk daanua nuu ni. ⁵⁰ L paak, k n a dont a sann, digbana niib sunsuuk nie, o kongbennu! N sa yin yanŋ k dont fine.