¹ Yan mani. Divid bayani. ² N pal ciwa, ô yennu! N sa te kin yanyin bona n mɔɔ ki do: l tie n yuudante! ³ Fiit-man, n konn nan n yelk! N saa fiin sannyafaal! ⁴ N saa donta nifosaali sunsuuknie-e, n yennu! k bia donta digbana sunsuuk ni. ⁵ K maan a ŋant na do k baat sanpaak, k a tekinm na mun do k siit sanpagbana. ⁶ Want a monŋ sanpaapo, ô yennu! K ayanbint ii be tingbonŋ kul paak! ⁷ K lin fit k a waas nba ka luonm na n nyi daami ni, nyintit daaminio nan a ni dütu na, ki bia tult jiinu. ⁸ Yennu pak wu ŋant ni a: n sa jii yiikoe, ki bɔkt sikem duo na, k bia janŋ sukof baauk na; ⁹ Galaad tie n yale, manase tien yale; Eflaïm tie n kut foklk, k juda mun tie n naan danml; ¹⁰ Moab yent tie sianba tie n wunwulbuole; k bilin n taasaat Edom yent ni, k bilin palmann wuyikni filistin nba duo ni! ¹¹ Ŋmee sa saan nannin digbanpaall ni? ŋmee sa cianin Edoin i? ¹² L k tie fin kaa, ô yennu, fin ka tunnb k tul tii, k bi jibo ki nyi nan ti kunkonkonnaa? ¹³ Tulin tinm sonml k mɔk sial ya nyuat. Nan yennu ti saatuntuon jaana; wu sa nyann ti dataï k tult.