1 tuulin kangbennu k niipuok klman u ŋan, kulomm k mok gbennu. 2 Ti yein mobona ne k leei: k dont kangbénuk man, yimm nba kul ku tinni, k nyinni idataii nininŋ. 3 K nyinni tinganŋ ninŋ, yendo po nan yenba po, niganŋ po nan niditupo k jen nani na. 4 B din yilib kunkuuk na paak k sɔnu kaa. K b k mi baa saa tɔkin sianinba k baal doo k kua. 5 K kon nan nyunyukulu din sɔolb k b ponŋ ji k mɔk dindann. 6 B ciacakin manŋ ninŋe k b yiin kangbénuk ku nyinnib b fala manŋ ninŋ. 7 U din tɔkn nanm sɔnsunsonne k saan nanm do nba ninŋ k b si be. 8 Bin tul kangbénuk niipouk, klman u loncianu, nan u yaalituk tuona nba k u tun k tul yennu bijam ne paak. 9 Ŋɔue gbɔnt binba k nyunnukulu mɔk b na, k bia gbɔnt kɔnma nan jeŋant. 10 Siab din be bunbɔnn nba sumi nie k tie dansalii k pata diab k b be fala. 11 Kmaan bi din yet yabint yennu maan k bia k gaal u kpaamii. 12 B din tuntuanpalaa k tan banŋ, ŋan sua kaa k saa sɔnmib. 13 B daami manŋ ni k b yikin kangbenuk paak ku nyinib b fala ninŋ. 14 Ŋɔue nyinnib bunbɔnciɔnŋ ne ninŋ nan b kuun buunbonnin k ciel l k yonni yonni. 15 Bin tul kangbenuk niipook k l ma u loncianu non u yaalituk k tuona nba k u tun k tuul yennu bijame ne paak. 16 K man u jintl kuutmɔnt gana k bia jintl kut laana nba kpaal. 17 Siab din tie bonliinie k di falaa b biit nan b yanbɔmm paak. 18 B din k mɔk jeet niɔnŋ, k ponŋ jikɔl kuum tanmɔb. 19 B cicakin manŋ ninŋ k b yiikn kangbenuk paak, ku nyin nib l falaa ninŋ. 20 Ku tuu u man k t b laafia, k nyin i b kuun ninŋ. 21 Bin tul kangbenuk niipook klma u loncianu, nan u yaalutuk tuona nba kuu tun k tuul yennu bija me ne paak! 22 B jii malunŋ k tulua niipuok nan yanii nba tie palpien yanii k lin wann waa tun linba kul. 23 Binba din sɔnm mɔkgbeŋa paak nan ŋalint, k kpaan b daalditl mɔkgba na ni. 24 B din la kangbénuk tuona, u baktanɔŋ tuona, nyun ne paak. 25 U din pak ŋan pebl k wonpaluk piin k da k fiin nyungona ne. 26 K nyungona ne woktl ŋaluŋ na k dont k bia sikint nyunmɔn buolk ne ni. Niib ne din k mɔk din dann nan waama. 27 K b niinii po fuun, k b ŋat k baantl k ŋmaan nɔlii nan dayiblane, b bannu ne kul ji din k mɔk nyuati. 28 B cicakin manŋ ni e k b yiin kangbénuk ku nyinib fala ninŋ. 29 U din te k wonpaaluk ne maak k nyungonaa ne dual. 30 L din tulb palpienne k man wonpaol k na nba mak ne. K kaagbénuk jiib k donnib gbingban n nba k b luon paak. 31 K b tul kangbenuk niipook klma u loncianu, nan u yalutuk tuo a nba kuu tun k tuul yennu bijanm ne paak. 32 Bin muant niibul ninŋ k wann u yabint nba tie, k dont u sann, liikdanm buol. 33 U din te k moka fuuol, k nyuntona jit, k nyun ji k nyi. 34 U te k koolin tinŋ kpant tinkun kolk kman binba kua lenŋ ne tunbiit paak. 35 U din te k kuunkot kpant nyunduana, k tinŋ kuunŋ kpante jinjabii. 36 Ku te k konma kua lenŋ, k tien doo k be l ninŋ. 37 K buul bonbubult nan tilonti tinŋ ne ninŋ k tuutan jaan jiet bonciann. 38 U din yat piisin u niib paak k b yabtl k puuki boncienn, u dink te k b bonkobt waabt. 39 Yoo nba k siab din nyann ŋua yennu niib k diab nan tonu k dintib fala, k tieb butnn ne. 40 U din salkt binba dintb fala ne, k te k b yilb kunkook k sɔnukaa ne paak, 41 Ŋaan fiit talot danm bacakin ninŋ k te k b pɔt nan bonkobit ne. 42 Niib nba tuak laat nan b mɔk palpienn, ŋaan k biit danm muu b mɔii. 43 Binba mɔk yen foŋanm kul n dukin linba na po k moli kangbénuk ŋanm paak.