¹ Pakin man kaagbennu klma u ŋan, ku lomm kaagbennu. ² Ŋmee saa wann tuona nba kul ku tuni? Ŋmee saa fit k dont u sann likul po i? ³ Pamann benba cɔlin u maan, k kun mɔni yokul. ⁴ Kaagbennu i tian n po yoo nba ka sommia niib na I tien n po yoo nba kin bual a totl. ⁵ Ŋaant kin la ŋant nan kpinkpan muk nan palmatl a niib ni, ka faal na i tie npo yudant. ⁶ T tun biit nan ti yaajam nba din biil na, t tien yambomm k tun bonbiil. ⁷ Ejipt duo ni t yaajam bo k ban a bagtnonŋ tuona paak, b din tamm bona boncian nbɔ kɔ tun yuo nba kaa tun mɔk munŋ kpinŋ. ⁸ Ŋaan u din fielib u sann po k wanib u panŋ. ⁹ U din yet mɔkmunŋ k l fual, ku niib jii puot tinkunŋ paak. ¹⁰ U din nyinnib benba k luom na nuu ni, k fatib b datai nuu ni. ¹¹ K nyun dü b datai na k din k bial baa yenɔ kua. ¹² K b ji gaal u mɔsonn na ni k ji yin dontɔ. ¹³ Ŋaan l puolpo k b tanm u ŋant na k k guul. U kpaani ŋaan tuun b tuona. ¹⁴ B din gbie nan niembiug fual ni, k binkinɔ. ¹⁵ U din tulb baa luon limba ŋaan bia t k yialbiuk baa b paak. ¹⁶ B paala din bie Moïs nan Aarɔn nba tie kaagbennu niib na paak fual ni. ¹⁷ Ŋanne k tingbonŋ bɔkt k nak Datan, k piin bemba bo be Abilan. ¹⁸ K muu dii l yeknu nan l ton danm. ¹⁹ Oleb jual paak b din maa naabik ninnonŋ k gaant k puuk. ²⁰ B din lebt b yendu nunŋ k l naan naab nba ŋman muat nunŋ. ²¹ B din tamm b yendu fieltua nba dintien bonŋana Ejipt na po. ²² U tun bakitnonŋ tuona duo na ni nan mɔk monŋ na buol. ²³ K yeta bin buon l niib, k Moïs nba ku luktua na fiil k set tokinɔ k maak u wutuol na ku ji k buonm. ²⁴ B baka din kaa tinŋaŋ na ni k maan b k tien kaagbennu mɔsonn na yada. ²⁵ K b be b lambont ni ki bulin, k yie bincɔlin yendu kunkɔl. ²⁶ Ŋanne ku donn nuu k pol k bin baa fual na ni. ²⁷ K yat b yaabuona k kuam k bin kpo doi nba ni k b k ban yendu. ²⁸ K b taan nan Peor tieb k puk tingbann nba k b yil Baal na, k dii jiet nba k b yiit salk tingbana nba kaa manfuor na paak. ²⁹ Kaagbennu din donn wutuol b tɔkbiuk paak k t k yialbiuk baa paak. ³⁰ K finéya set lenŋ k kon k yialbiuk na ji gbenn. ³¹ K b tun tian linba na po u saan ni yuo nba baat kul. ³² B din donn kagbennu wutuol, Meriba nyuntona buol ni, k Moïs kua daamii ni b paak. ³³ B din te k Moïs paal bie k gaal ku paak makaat. ³⁴ B din k kpii buolu nba k kaagbennu din wannib a bin kpib na. ³⁵ B din kua niib mɔnŋ ni k gaal b patmannu tuona. ³⁶ Niib na din jiantl yendu bite k l baal nan b biilu. ³⁷ B din jikt b bonjai nan b bonpoi k mann malunŋ k tien tingbana. ³⁸ B din kpii b bonjai nan b binpoi nba k mɔk biit na k tuul kanaa tingbana k b duo ni tinŋ na biil. ³⁹ B din k waa yendu k dukin b tuonbiit na paak. ⁴⁰ L paak k kaagbennu wutuol duo u niib na paak ku nyikib nan binba k jientlɔ. ⁴¹ U din cabib nan binba k jientlɔ k b datai mɔnŋ ji diab. ⁴² B datai na din dint'b k b bia jian tilb. ⁴³ U din tun k nyint u niib daamii ni, ŋaan k b yie k be biit ni. ⁴⁴ Yuo nba k b bia fabin k yendu bia gbaat b fabinii na k gbiint b daamii mɔnŋ. ⁴⁵ U din tiat Puoni nba ku puom na paak k lebit u dudukit. ⁴⁶ U din te k binba diab na mɔ kua nan baa dinnib na paak. ⁴⁷ kaagbennu t yendu nyinnit digbana na ni, k tin dont u sanŋann k tien t ni u yudant. ⁴⁸ Yetŋam i be kaagbennu paak Islael yendu, i dontɔ mɔtana nan yuo nba baat kuul, ŋaant sua kul n yet a Ami: Dont man kaagbennu.