1 Yinin k dont kaagbennu, k taa u sann ! Pakin man nisaalik waa tun linba ! 2 Yinin dontl yanŋ k tul yennu ! pakin k wann waa tunn bakitnɔnŋ tuona nba . 3 Ii mɔk palpienn, k dukin taa tie u niib ne paak, k wunba kul jianlɔ ii be kpunkpanmuk ni ! 4 Kaagbennu e tie a gungul buol nan a som tua, ii jiantlɔ yuokul. 5 II tien yaalkilituk nan baktnɔnŋ tuonna nba k u tun, nan buut nba k u bu ne, 6 Yinm nba tie u tuontunnɔ Ablaam yaabuona ne yinm nba tie saakɔb nba k u din gann yaabuona ne ! 7 Kaagbennu e tie t yennu, ŋɔe bu tingbonŋ ne kul po. 8 U sii tunt k dia u mosuolu nee, k u mosonn ne sii tun k bee k tul maal paanu nba saa baal. 9 U sii dia mosuolu nba k u din suol nan Ablaam ne, nan mosonn nba k u din senn k tul Isaak ne. 10 Saakɔb penŋ u bil k l tie sennue, k Islael penŋ k l tie mosuolu nba sii yua k be. 11 U din yet a : n saa tula kanaan tinŋ k l sii tie a tionŋ faale. 12 Ŋaan b din k yabi, b tie banlenne, k tie saanm duo ne ni, 13 B din yieke k luan dogbana, k nyi tent ni k tuat liel ni, 14 Ŋaan yennu din k saak k sua dintib biaki, b paak u din potin kpanbala a: 15 I daa siit n niganm kabne, k daa tie n sɔkninba banbiili ! 16 Yennu din te k kon baa tinŋ ne paak, k biil b jiet kul. 17 Ŋaan u din tun suae k u gal b tuann, ŋɔe tie sosef, unba k b din kuatɔ k tienɔ daabl ne . 18 B din jii jalka k baan u taa, k jii kut k lol u tulu ni, Saa nan yuo nba k u buntil ne tan tien mɔni, 19 kaagbennu momaame din pak kat nan u mɔk mɔni. 20 L yuo k duo kpanbal te k b lot lot k duo daanɔ manŋ nyinnɔ. 21 K jiiu k te k u tie u tuontunna saakua k tienɔ tinŋ ne kul ŋmakit-tua, 22 K te u mɔk yikonba gal kpanbal ne ŋaagsaakab kul, nan yaak nba k u saa fit kpaan kpanbal ne tuanndanm. 23 Ŋanne k islaael baal Esipt, k saakɔb kal cam yent ni. 24 Yennu din te k u buolu ne tie ni pɔtie, k bia mɔk panŋ k cie b datayi. 25 K te Esipt tieb ne k luon u niib ne, k diab nan moliemi. 26 Ŋanne k u tun u tuontunna Moyiis nan Aalon, k b tie binba k u gannib. 27 Ŋɔɔ yennu panŋ ni, k b tun baktnɔnŋ nan yalklutuk tuona cam duo ,o, b naataani. 28 Yennu din te k bunbɔnn penŋ baal Esipt tinŋ ni, ŋaan Esipt tieb ne din k sak yennu. 29 U din te k b mo u nyunm kul kpant sɔn, k b janii kul kpo. 30 B duo din gbie nan pɔntae, nan b kpanbal diuk nii waa gbaa din tie nnee. 31 U din te k kabii nan naalianbiaba baal k gbie dogbann ne kul po. 32 U din nyik Saake, ŋaan tun sakaa ne nan sanykinti, tinŋ manŋ ni. 33 K biil b daan tiini nan b sinsabii, k daa tiini manŋ kul. 36 U din te k waasut baal, k k mɔk kann, 35 K ŋman b bonkukuol nba be duo nan k bia ŋman b tiluant kul nba be kpanant ni ne. 34 U din kpii Esipt tieb ŋaak ni, bonjak nba tie bikpelk. 37 U din nyinn Islaael tieb ne, k b jii salan piena nan salan mɔnna, b kul din mɔk panŋ nan nlaafia. 38 Baa din nyii ne, Esipt tieb ji din kpanme, k maan b din tiinne jaŋmamie. 39 Yennu din te k wunn e baa k lekin b paak, k tienm muu nyiɔk, k wantib sɔnu. 40 Baa din mialɔ ne, k u te pinpala baa b buol ni, k bia din tulub jiet nba nyii yendɔnŋ ni k b gbuo. 41 U din luot tanne, k nyun nyii lenŋ, k puub nan mɔkl ne kunkuot paak. 42 K maan u din tiat u kasii mosonn nba k u din senn k tul u tuontunnɔ Ablaam ne. 43 K nyinn u nigannkab manŋ, k b yiin yani k oot k kpanm nan palmann. 44 U din jii sisiab tinie k tulb, k b yent b salwaat. 45 A lin te k u niib i dia u wan ne, k bia ki sak u senni ne ! pakin kaagnennu man.