1 N siek pakin yennu. Canbaa yennu, a yab bonciann. 2 A gbie nan bakil nan yanbinte, ki gbab yentu ki linta nan cincenn na a lat sapangbouŋ nan nyungbouŋ na e. 3 Ki senn a duo , nyun nba be sanpaapo na paak. 4 A jii sanpagbente ki tien a tanitolit, ki jak wouŋ kpinkpent paak, a tuominba tie wonŋa k a tuontunna tie sanyinkiti. 5 Fine senn tingbouŋ na li fiakil paak kilset fannu ki kan mi cat. 6 Ki jii mɔkigbenŋa ki bakin li paak nan tiat na. Ki nyun set jɔjaana na paak. 7 Yuo nba ka tian nyun paak, u tuu cial. u i gbat a satiani fuut u tu kakite ki yaat. 8 Ki jɔjaana n kpat ki baat n sik ki jaŋ fa senn bianŋ nba. 9 Fin ne senn nyun nba sa set sian, ki u ka fit ki piin tingbouŋ. 10 Fine te k nyun Tonna puut, k puub gaal jɔjaana sunsukini. 11 K mukini bonkobil kul nyu ki kpient bi nyun nyukulu. 12 Leŋ tiini na paake, ki nɔɔnii tia bi tiat ki mɔ muk ni. 13 Tingbouŋ na kul gbie nan a piisime; fine te ki saak nyi sa sanpaapo, ki baa maant kunkona na jɔjaana. 14 Fine te ki jiet naan ki niib di, ki buul bi bonbubulit, ki muat pia k bonkobit ŋman. 15 Ki b ŋaa dauŋ kil maant pal, ki wal kpan ki li ŋami gban nan jiet ki tien gbannu paŋ. 16 Tiini na tie yennu tiɔŋ tiini nba ki u bule, kpeki nba be lebanon na laat saak bonciann. 17 Tiini manŋ paake, ki janbuanlot nan nɔɔnnü tia bi tiat. 18 Sina kua tanfiat na nie, ki piali mun be jɔjaana na paak. 19 Fine nan ŋmaalik, a wui want ŋmaali kann. Ki yendu mii u binbayuo. 20 Fine nan nyiɔk, ki li i bɔnn muukini bonkobit n nyi ki somm. 21 Yanbɔlpaani na tuu gaan jate, ŋan kpaan bi jiet ki mei yennu jiet nba, ki u saa tulib. 22 Yendu i Tanŋi do yuo nba bin ŋmay bi duani ni. 23 Li yuo e ki nisaali tuu nyi, ki tuun bi tuonna. 24 Yennu a nan bona bonciann tingbouŋ na kul gbie nan a naaniie a nan l kul nan a subini nba yab ne. 25 A nan mɔkgbenŋil ki li fɔk ki bi yalin bonciann. Ki bonfoa nba be leŋ, kan fit kan ni bonbit nan bongbenŋa kul be leŋ e. 26 Ki nyun ni bongbennil nba ka namɔ na lin leŋ, ŋaan ki buligbet gbenŋa somm li paak. 27 Bi kula na gaa fin yennu paake, a fan tulib jiet yuo nba janŋ. 28 Ki a tontil a nuu, ki tien m, jeŋant, ki bi di gboat. 29 Li i tie ki a lek a num bi tu Jekile, ki fi jii bi fuon, b jekile, ki fi jii bii fuon, bi tuu kpoe ki kpant tant nba ki bi bo nyii na ni. 30 Ŋaan fi tulib fuon bi tuu tie bonfoae: fine tien tiŋ na bonfoa kul manfuol. 31 Yennu a panciɔŋ na e be yuo kul, yennu i tun ki mɔk palpienn linba kul ki nan na paak! 32 Yennu e got tingbonŋ na, li tu jekile ki wi sii jɔjaana ki nyi munyuut. 33 N manfuol kul ni, n sii yiin ki tien yennue, n manfuol fɔkin ni kul n sii yiin ki kpakitil yennu kua. 34 U palii mei n yaŋ manŋ paak, kiman n palpienn nyiu buole. 35 Yennu buont tuonbiit damm na tingbouŋ na kul paak ki daate nibiit na jii be. N siek, pakin yennu i dontil kaagbennu yennu man yuokul.