¹ N siek n dont kaagbennu! k linba kul be n gbannu paak n doont kasii yennu sann. ² N siek n doont kaagbennu, k daa taami u ŋaant kuul po. ³ ŋɔɔe nyikit k cambit n biit kuul k tieb n yiarii k ligbenn. ⁴ ŋɔɔe tiini kuum fɔɔru ni k tulin nan fool , k tienni ŋaant na niibatinnu. ⁵ U te k n biinbenŋ mɔk panŋ n kpentunni, k bia mɔk panŋ na baakir na. ⁶ Kaagbennue bu buut binba be mukir, k tiemm mɔnii. ⁷ U din fiit u loofa k tul Mouis k bia te k Islael waas la tuonna. ⁸ Kaagbennu niimba tiinnɔ yennu, a wutuol k do yian k a bia gbee na ŋaant bonciann. ⁹ U k yakii nan niib yuo kul u bia k be nan wutuori. ¹⁰ U k daal t tuba fi biit nba jan biaŋnba koo k pa t biit nan t yanbɔmm nba tie biaŋnba. ¹¹ Sanpaak nan tinŋ nba fɔk nan liel na n nie k u ŋaant mu yaba k tul binba tiinɔ jaaŋmaanii na. ¹² Yendo po nan yenba po nba fɔk liel biaŋnba na, n nie mun k yennu tuu ji t biit k fɔkit nann t buol. ¹³ Na baa nba mɔk ninbatinu u waas paak ne n nie mun k kaagbennu mɔk ninbatinu k tien daanm nba tiinɔ jaaŋmaanii. ¹⁴ Kimaan u mi linba ku nant u mii na t tie tantie. ¹⁵ Nisaalik daan tie na muat nie t tuu kpaat k yint nan tiik puuk nie yuo wan tin kpo. ¹⁶ Yuo nba k wuonŋ daa l tuo peble sianba k bo be na a jii kanlaali. ¹⁷ ŋaan binba tii kaagbennu jaaŋmaamii ninbatinnu na ŋaant sii be waas na bii waas paak. ¹⁸ Binba dia u mɔlor k bia saak u sinnii k bia gbient ne. ¹⁹ Kaagbennu bilu biinbintil yendounŋ nie k u yiikot gaal bont kuul. ²⁰ Yimm malek nba ba mɔk fiintu na paanŋ na ii dont kaagbennu k bia saak u maan k bia cuar u seinnii. ²¹ Yimm pandanm nba tie tuotunn ne k tuu lomm ne ii dont kaagbennu man. ²² Yimm n dont kaagbennu, ne ii tuonna na siaminba kul, naa yaa kɔa sian n naalinŋ dont kaagbennu.