¹ Nibandaan fabni miati, k jiin u daami po n baal a buol. ² Kaagbennu gbiintl miatuk, k n yikini n baal a buol. ³ Mi be daamini a daa lekintin a numm! Mii yikin yuonba fan gbenn a tubl k gbiint ! k gaal n yikini ne yiama! ⁴ k maan n manfuol daa saa nan munnyuut nie k n kpaba di nan muyelu ne. ⁵ B faa k bilin, k n pal kuol nan mɔkuont ne; k n j k nian jiet monɔ. ⁶ N kukula ne te k n kuol, k n gbanant tab nan kpaba. ⁷ N tie nan gbingbankuon pak fiiuk nie k bia tie nan langbent ni fiiuk ne. ⁸ N dua k k fit k guant; n tie nan nuanyenml nba jaak mɔpiinn paak nie. ⁹ N ninnanta sukime daal kul, k n datai puolin mɔpol_biit. ¹⁰ Tante tie n jiet, n nyunyuut ŋmat nan n bonnyukal. ¹¹ A wutuol nan a palbienn ne paak; k mann a wokitin k lun banfakila. ¹² N dana tenn nan tiig maatu nba luon lin bot nie, k n kuot nan muat ne. ¹³ ŋaan fin kaagbennu ; a tie kpanbal yuo kul, k malpaanu n tuu malpaanu kul si tian a po; ¹⁴ A sa fil, k tinn ninbaɔg Siyon duo po; k maan yuo baal nan fan tinno ninbaɔkɔ, yuo nba nee janŋ; ¹⁵ K maan a tuontunna luon l duo tana ne, nan l duo ni tant ne kul. ¹⁶ Buolu kul saa jie yennu, tingbouŋ ne kpanbal kul sa tin u panŋ ne jaŋmaami. ¹⁷ Kaagbennu saa ŋmat k maa Siyon, u saa fiit u yabint ne k waan. ¹⁸ U tie suoo k gbiin ninbadaan miati u k yien u fabnii. ¹⁹ Diant linba k yennu tun ne k guun malpaanu nba waa ne, k niib nba k b daa k malib ne n tan dont kaagbennu! ²⁰ K maan kagbennu be u kasi buol sanpaapoewa ŋan got sikin, kaagbennu be sanpaapoewa ŋaan goli tinŋ ni. ²¹ A wun gbat dansalkɔɔla kukula, k nyinn binba k b bub k biilib k yaa bin kpib ne. ²² K l paak u saan sa muant Siyon duo ni, k u saa la dontl jelusalem ni. ²³ Yuo nba k digbana niib, nan yent nba ni niib saa taan lieb k jiantɔ ne. ²⁴ U tienin nicokunŋ n sɔnu ni, u jinŋ n manfuol dana. ²⁵ N yet: n yennnu, a laa daa jikitin n bina sinsiigni k maan yuo be k yab a po. ²⁶ Sian yuoe waa k a din nan tingbounŋ, k jii a tiaɔnŋ nii k nan sanpaak. ²⁷ L kul tan saa kpowa, ŋaan fin si bee yuokul; k fan lebtib nan baa tu lebt tiaɔk biaŋnba ne, l kul tan saa lebt. ²⁸ ŋaan fin sii tun k be yuo kul, k bia k mɔk lebtu.