¹ K Alon bonjai nba tie Nadab nan Abihu na jii Sipiak k tien muu; k pûkn bannunubt l paak k jii tul yennu. ŋaan k muu na k tie muu nba k yennu wannib na. ² K l taakpaak ni k yennu te k muu sik k dii kpiib ŋɔa yennu tuann. ³ K Mois yet Alon a l'nba na buolu e k yennu bo bielit na k yaa, daanɔ nba kul jiantiln wuu baakitn nan balmɔ nii, k maan n tie wunba k luon biite. Sie k n niib kul tuln baakil k Alon k jiin siali. ⁴ K Mois yiin Misel nan Elsa-fan wunba tie usiel, Alon ninja na bija. K bakb a: Nakint, k jii ii ninjamm na k nyinnib yennu lanbounŋ na ni. K nyi namm k bilb kaanŋ na kpinŋ. ⁵ K b baal k tan jiib nan b tiat nba k b bo lia na k nyinnib kpinŋ nan Mois nba ba yet na. ⁶ K Mois yet Alon nan u bija Eleasal nan Itamal a i daa nyikt ii yut saatu, kuo k pat i tiat, k want n palbiil. Lii tie k i tun nna, i saa kpowa, k yennu wutuol bia saa do niib na kul paak a. ŋaan ii nikpiimm Islael tieb kul saa fit mɔ b ku mɔnii waa. ⁷ I daa nyi yennu lanbonŋ tammɔb na buol, i nyii tammɔb na ni i saa kpo waa, k maan yennu kpan na b muant ii paak a. K b tun nan Mois nba betib na. ⁸ K yennu pak nan Alon k yaa: ⁹ Fin nan a bonjai, ii kan nyu daan nba yib, k kua n lanbonŋ ni, lii tie k ii nyuu daan k kua ii saa kpo e. L tie sennu e k tul yinm nan ii yaabuona, yaayo kul. ¹⁰ I tu a fit bann k bɔkit l'nba tie yennu yal nan l'nba tie sua kul yal; k bia bɔkt l'nba kua nan l'nba k kua. ¹¹ K bia tumii Islael tieb kul Mois nba tulib yennu sennii nba na kul. ¹² K Mois yet Alon nan u bonjai banlie nba bial na, ŋamm e tie Eleasal nan Itamal a, jiin i jiet yenpiinii nba kii mann malunŋ k tul yennu ŋaan k l tenn na k tien paanu nba k mɔk datinŋ, k di malunŋ binbintl na buol, k maan yenpiinii na tie k a sie. ¹³ I di sianba ŋan k maan jiet manŋ tie fin nan a bonjai yala; k nyii jiet nba ki mann mujuonu malunŋ k tul yennu na i k maan linba k yennu wanni me na. ¹⁴ Yimm nan i ŋaatieb saa fit ŋman kubtil nan nanii taa nba k b tul k l tie bul cinpiinii k tien yennu k tie manntieb yal, na i saa fit ŋman sianba kul k mɔk jɔkint. yennu e jii piinii na k tul yimm nan i waat. L tie i tole k nyii Isael tieb wanntieb yenpiinii ni. ¹⁵ B saa baal nan manŋ taal nan palbiil nant( kubitl). na yuo nba k b jikit kpapa na k l tie jiet piinii k tien yennu na. L bɔkil na sii tie yimm nan i waat nba k i maal na tol; yuo kul, nan yennu nba senn na. ¹⁶ K Mois kpaan buuk nba tie biit yenpiinii na po, k sua k b donŋ juo muu waa, k u wutuol duo Eleasal nan Itamal paak, binba tie Alon bonjai nba bial na k b yet a: ¹⁷ Bee tien k i k dii biit yenpiinii na ka sii buoli ? L tie l'nba ŋan e k yennu jii k tuli, a lin nyinn niib na biit ni. ¹⁸ Gotil, l sɔn bo k kua yennu lanbounŋ nant lenŋ e nan bianba k u wannii na. ¹⁹ K Alon yet Mos, gotl niib na baal nan b biit piinii, k tul yennu din nae, k bia baal nan b mujuonu piinii, ŋaan k bonbiil na baaln, lii tie k n bo dii biit yenpiinii na dinna, yennu pal bo sii man n paak aa ? ²⁰ Mois nba gbat n na k u pal ji maak.