¹ Kagbennu pak Moyiis nan Aalɔna: ² Pakin man k yet Islael waas : bonkobt nba nee kii si ŋman, bonkobt nba be tinŋ paak ne. ³ I sii ŋman bonkobt nba k b yiina bɔtiik, k b taawoka bɔkit, k b ŋman muuk k wukitil. ⁴ Ŋaan i kii ŋaman binba taawoka bɔkit kua kaa. Ii daa ŋman yunyik, u wukitl, ŋaan u k mɔk taawok-yakaa, ii sii goliɔ k u tie jɔkinte. ⁵ I can ŋman sinn, u ŋman k wukitil, ŋaan k mɔk taawok-yakaa. ⁶ I kan ŋman wonŋ, u wukitil ŋaan u taawoka k yakit i sii golio k u tie jɔkinte. ⁷ I daa ŋman duolik, u taawoka bɔkita, ŋaan u ki di wukitl: I sii nyuanɔ k b tie jɔkinte . ⁸ I daa ŋman b nant, k bia daa siin b gbanankpienn i sii nyuanm k b tie jɔkinte. ⁹ Bonkob buolu nba nyunm ni k i saa fit kii ŋman sanna e ne. I saa fit ŋman binba kul mɔk kpinkpant nan wakii, k b nyunm ni, ŋanni kaa mɔk il ni, ŋanni kaa bunni ni. ¹⁰ Ŋaan bonfuol nba kul be nyunm ni ki k mɔk kpinkpant nan wakii, laa tie mɔkaanie, bunni nie, i daa mii ŋman. ¹¹ L bonfuol buolu, ii jiib k tie kual k tuli, i daa mii ŋman b gbanant, k bia daa mii siin b bonkpienn. ¹² Bonfuol nba kul be nyunmi k k mɔk kpinkpant nan waakii sii tie kuale k tuli ¹³ Nuanu ninŋ, binbaa sii tie i kuaal, k i ban ŋman me ne: Kɔn biat buolu kul, ¹⁴ Juut buolu kul, ¹⁵ Kinkaat nan b buolu kul, ¹⁶ Bankatit buolu, kpien nuani buolu, ¹⁷ kinkaat buolu, ¹⁸ kpekjabalii buolu, nan jɔn buolu, ¹⁹ Nan janbuanlot buolu kul ²⁰ Bonbubɔkil nba kul yuuk, k bia sonm taa ŋanna paak tie kuale k tuli. ²¹ Ŋaan, bonbubɔkit nba yuuk k bia sonm taa ŋanna paak, ii sii ŋman binba mɔk taa k fit mobit tinŋ paake. ²² Binbaa k ii sii ŋmanme ne: Naasuuk, paanŋ, lankpanmɔnŋ, nan haagaad buolu kul. ²³ Bonbubɔkit nba tenn k yuuk, k bia taa ŋanna kul sii tie kuale k tuli. ²⁴ B saa kuani jakint nie: Wunba kul sii b bonkpienn sii be jɔkint nie saa nan daajuok, ²⁵ K wunba buk b bonkpienn saa wuul u tiate k bia be jɔint ni saa nan daajuok. ²⁶ Bonkobuk nba kul k u taawoka k bikil k u bia k wukitl ,i sii nyuanɔ k u tie jɔkinte: Wunba kul sii l bonn u sii be jɔkint nie. ²⁷ Bonkob buolu nba kul mɔk taa ŋanna k som b taapant paak, i sii nyuanm k b tie jɔkinte . Wunba kul sii b bonkpienn sii be jɔkint nie saa nan daajuok; ²⁸ K Wunba kul mun buk b bonkpienn saa wuul u tiate k bia ki be jɔkint ni saa nan daajuok. ²⁹ Bonkobt nba buak tinŋ paak, k i sii nyuanm k b tie jɔkinte ne: Naasualɔ, lampol nan dabunna buolu; ³⁰ gutl, tel, kpakul, dabatil nan naatuoluk. ³¹ Bonkobt nba buak tinŋ paak kul ni, i sii nyuan ŋanme k b tie jɔtkint, wunba kul sii b bonkpienn sii b jɔktint nie saa nan daajuok. ³² B bonkpienn paak sial i nyii k baa ii bonsiaa ne yaa paak l bonn jɔkinte ne, daakoo, tiakoo, gbonŋa, bɔtuokoo, linba yaa kul kib dia k tuun nann, b saa luon l bonn nyunm nie saa nan daajuok, l paak i gal l bonn ji tie bonŋanne. ³³ lii tie k b ninŋ yennɔ baa bobil nie, linba kul be bobil manŋ, ni jɔkinne ne, i saa yiel bobil manŋe. ³⁴ Jiet nba kul tie bondikal, ki finn bobil manŋ nii nyunm k wunn, l jiet tie jɔkinte, k linbaa yaa kul tie bonnyakal k be l bobbuolu ni, tie jɔkinte, l bobil lekii tie biaanu nba kul. ³⁵ Linba yaa kul k bonkpiena manŋ, gbanant baa l paak be jakint nie, kpanu pul buol nan daanŋ tie linyiele: L kul jɔkine, k sii nyuanm k l tie jɔkint. ³⁶ Lin nyinn nyuntonn nan nyunbuul kuukua, ŋanme kii be jɔkint ni, baa bonkpienn ii baab nii, ŋaan wunba sii l bonkpienn sii be jɔkink nie. ³⁷ Lii tie bonkpienna manŋ gbanant paak sial baa bonbuoli nba saa bul paak, bonbuoli manŋ tenn k ŋan. ³⁸ Ŋaan lii tie k bonbuoli ne wuon nyunm ninŋie, k bonkpienna ne paak sial baa li ni, i sii nyuan k lie tie jɔkinte. ³⁹ Lii tie k bonkobit nba kii ŋman ne ni yenn kpo, wunba sii l bonkpienn sii be jɔkint nie saa nan dajuok; ⁴⁰ Wunba ŋman l bonkpienn saa wuul u tiat k bia ki be jɔkint ni nan daajuok, k wunba buk bonkpienn ne mun saa wuul u tiat k be jɔkint ni nan daajuok. ⁴¹ Bonbubɔkit nba buak tinŋ paak ne kul sii tie i kuale. ⁴² I kan mii ŋman bonbubɔk sua, laa tie binba buak puol paakie , binba som taa ŋanna paake, ŋanni kaa taa som taabul paak, k maan b sii tie i kuale. ⁴³ I daa jɔkin i monŋ k dukin l bonbubɔkit paak, k daa te k b kuanti jɔkint ni. ⁴⁴ K maan minne tie kaagbennu nba tie i yennu i ŋanm i mɔnŋ, kii ŋan man, k maan min n ŋan k i daa te k bonbubɔkit ne kuanti jɔkint ni. ⁴⁵ K maan minne tie kaagbennu nba nyinn Ejipt tinŋ ni, a mii tie yennu, k yii ŋan, k maan n ŋan ne. ⁴⁶ Linba nee tie sennu nba jiin bonkobit, nuani, bonfuote nba kul be be nyunm ni, nan linba kul buak tinn paak. ⁴⁷ II mi kii bɔkitl linba kua nan linba k kua, nan bokobit ni linba k ii sii ŋman ,nan linba k ki kan ŋman.