¹ K daaŋanniin daal, k Moïs yiin Aalɔn nan u bonjai, nan Islael saakab. ² K yet Aalɔn a: jiin naajapaanŋ k mann malunŋ k li tie biit piinu nan pejak k li tie mujonu malunŋ k b ni sua daa mɔk danŋ k yit'b salk tul kaagbennu. ³ A pak Islael tieb na, k ŋanm yet'b a: bin jii bujak k u tie bilt piinu malunŋ nan naajapaanŋ nan pejak nba mɔk binyenn k bia k mɔk danŋ, k mann mujo nu malunŋ. ⁴ K bia jii naajak nan pejak k mann nipotulu malunŋ, k mann'b malunŋ kagbenu tuann, k pukn piini nba ŋmat nan kpan k maan. K maan kaagbennu saadɔkit i paak dinna. ⁵ K b baal nan linba k Moïs wann'b na tintuok tanbonŋ buol. K niib na kul taan set yennu tuann. ⁶ K Moïs yet'b a: I i tun linba k yennu wann'i. K yennu yudant saa dɔkt i paak. ⁷ Moïs pak Aalɔ a: i saa binbintl na buol ni, k saa mann a biit piinu malunŋ nan a mujonu malunŋ k ŋanm a mɔnŋ k bia ŋanm niib na kul. K bia mann niib na malunŋ, k lin piin b biit nan yennu nba senn bianŋ nba na. ⁸ K Aalɔn saan binbintl na buol k saa kpii na japaanŋ na k mann u biit malunŋ. ⁹ K Aalɔn bonjai jii sɔn na k tulɔ, k u jii u niibl k pak l ni, k su su binbintl na yina k bia muan sɔnna binbintl na nyakl. ¹⁰ K u ji malunŋ bonkɔbk nan kpan nan yaan mbina nan pɔbokl nba gbenŋ na k paan binbintl paak k yuo muu nan Moïs nba waan bianŋnba. ¹¹ Ŋaan ji nant nan gbɔnŋ k juo muu kaanŋ na na kpinŋ. ¹² K Aalɔn kɔt muujuonu malnŋ bonkobuk na k u waas jii sɔn na k tul'ɔ, k u muan binbintl na kul a po. ¹³ K b pot pot mujonu malunŋ bonkobuk na bula nan yul k tulɔ k u juol binbintl na paak. ¹⁴ K u bia wuul nuak ni bona nan taa, k juol binbintl na paak k pukn mujuonu malun liel na paak. ¹⁵ L puolpo k u mann niib na malunŋ k ji bujak k mann malunŋ niib na biit paak, k kpii, k cab k l tie sinsinn biit piinu bonkobk. ¹⁶ U din maan k l tie mujonu malunŋ, nan senii nba senn bianŋ nba na. ¹⁷ K pin piini nba k u tul na niikul k juo muu binbintl na paak. K l tie sanyiaɔk ni muu jonu piini. ¹⁸ K u kpii naajak nan pejak k l tie niib na niipuotulu piini. K Aalɔn bonjai jii sɔnna k tul'ɔ ku muan binbintl na kul a po. ¹⁹ K b tul'ɔ pejak na maajak kpapana, nan juol, nan kpapana nba be nuak ni bona paak, nan yaanninbin na, nan pɔkɔb gbenŋl. ²⁰ K b jii kpanna k paan palbiil na paak k juo muu binbintl na paak. ²¹ Aalɔn jii kubtl nan diitu bɔpiaɔk ŋak ganŋ nan diitu kagbennu tuann nan Moïs nba wann'b biannŋ nba na. ²² Aalɔn donnu nii niib na paak k yat yet ŋanm b paak. K Aalɔn mann bitit piinu malunŋ nan muujuonu malunŋ nan niiputuluu malunn l polpo k u u ji sik. ²³ K Moïs nan Aalɔn kua tintuok lanbonŋ ni yuo nba k b nyii k b yat yetŋanm niib paak k kaagbennu yudent dɔkt niib na kul paak. ²⁴ K muu nyii kaagbennu tuann k dii muujonu malunŋ nan kpan na binbintl paak; k niib na kul nba la, k b yikn pal mann wu yiknii ŋaan baa finfaba.