¹ N tie niolɔ nba k sapaan munn tan saa dinin faala yuo nba baat. ² U kan saan nan nin yentu ni, ŋaan saan nan ni bonbɔn ³ ni. U tunn u ni u nuu n paak daal kul . ⁴ K tan te n gbanant tie fiat fiat; k bia kɔnn n kpaba . ⁵ U kua nin dansalk , k tien ninbatl nan palbiil bona. ⁶ K kɔnin lint'n binbɔnn ni nan bin nba kpo sian yuo a na. ⁷ U maa diikpinn k lint'n, a n da nyii , k baan nin jɔlit nba kpei'i. ⁸ K n yikin sanpaapo k luon sonmil, ŋaan k u yet n miat'i. ⁹ U luon sennu nan taanfɔt, k biil n sɔnii kul . ¹⁰ U guun nan namuuk nba tuu guu bianŋ nba , k tien'in nan yanbɔl nba tuu be sian nba bɔl na. ¹¹ U wei nyii na n sanjot ni, k paat paat n ŋaan nyikin. ¹² K u tann u talban , ki kpaa n nan u talban mɔb nba k u tuu piini l paak na. ¹³ K u yek n u lol ni pieni na k kuan n siak ni. ¹⁴ K dian k tie nilakil, daal kul k b dian yiin yaani. ¹⁵ U te k n dii faal biiuk, k n gbo nan baa tuu gbo jiet nan nyun na. ¹⁶ U jii tana k kɔn nyana, k pukin tanpent . ¹⁷ Ki nyinin laafia ni, ki jii k mii palmatil, nan palpienn. ¹⁸ Ki n jii yet'a n panŋ bot'a kin dindan jii kaa kaagbennu ni! ¹⁹ Mii dukin n gbananyektil po nan maa k mɔk binbe buol na l tie lɔbii nba ton ni me. ²⁰ Ki n siek k tiat, l tuu suolɔ baakin jɔŋo. ²¹ ŋaan n pal ni n dindan lek tuu tan jen yuo nba kin tial sial. ²² Kaagbennu nimɔnt na ki gbenn, k u ninbatinu daa ten be. ²³ Kaagbennu nimɔt pantil sanyiɔk kul. Ku ŋant na yaab bonciann. ²⁴ Kaagbennu nba kukua kin mɔk l paak te mɔk dindann. ²⁵ Kaagbennu ŋan k tul wun nba mɔk dindaan. K tul siek nba kpaanɔ. ²⁶ L ŋaan tin guul nan sukulu k wun faabit . ²⁷ L ŋaan k nilɔn dii faala u bis ni waa. ²⁸ L ŋaan u gaal nan sukulu nan ŋmiŋmin. K man kaagbennu yet'ɔ. ²⁹ U saa jii u mɔb k tien tanbini ni, k daa buot u dindann. ³⁰ Bii lek i dint't fala tin gaal, ŋaan u tan saa di fei. ³¹ Ki man t yonmdanɔ kan nyikit faa'b. ³² Li tie ku nyikt, ŋaan u bia mɔk ninkpanbɔnŋ nan lomm nba yaab t paak. ³³ K man li manɔ nan wun dinn fei k bia nyi niib waas. ³⁴ Li tie kb bel bin nba k suoli'b daaba kul doi ni. ³⁵ Li tie k bɔl nifosali mɔmɔni Yennu nba sanpaapo nan ni. ³⁶ Bi ki paak balmɔni k tul lieb nba tun linba, yonmdanɔ kan yaatai? ³⁷ ŋme saa yet'a sial baat, k t yonmdanɔ k jaab mɔb u? ³⁸ N nee kaabonŋann nan bonbiil nyii Yennu nba be sanpaapo na lomm ni e ? ³⁹ Be paak e k nilɔ nba fuo sii fabni ? Nilɔ kul i fabn u biit paak. ⁴⁰ Ti saa ŋanmt bebe, k jen kaagbennu buol. ⁴¹ ŋaan t man tin donn t pal nan ti nii k wann Yennu nba be sanpaap. ⁴² Ti tun biit a t tien jat danm a! ŋaan a nyik cab. ⁴³ A donn wutuol k bɔlt, k wei beli't ; k kpiit k ninbatinu ka; ⁴⁴ A jii sanpagbounŋk dokin n mɔb , k t miati jii kan fiit baal a. ⁴⁵ A tien nan niib nba k b saakb na niib sunsuk ni. ⁴⁶ K binba tie t dadiab kul nan sukt, k bia laat. ⁴⁷ K ti benbenŋ jii be botik, nan biilu , nan ŋmatu ni kin jii mɔk jaŋmani. ⁴⁸ K ninsit nyi in ninbina ni k man n niib biilu na paak . ⁵⁰ K insit nyi ki k gbent yu kul. ⁴⁹ Nan yuo nba k kaagbennu sii be sanpaapo ŋaan laat, ^{51 52} N ninbinn te kin baak linba k n laat niib nba be n duo ni na paak . ⁵³ K be luon bingbenn n manfuol botuk ni, k luon tana paak. ⁵⁴ Nyun piin n yul a; k n yet'a n bot'a! ⁵⁵ K botuk ni k n yin asann a, O kaagbennu . ⁵⁶ A gbat n kukɔl a: daa piint a tuba, k sokl n faabni nan n mɔni. ⁵⁷ Daal nba kin yiin a, k a naakin n buol, k yet'a daa tiin jaŋmani. ⁵⁸ N yonmdaanɔ k faat n siek mabl ni, k daa n manfuol. ⁵⁹ Kaagbennu, a laa baa diinin faala , fan bal: kɔnin paak k tul'n. ⁶⁰ A laa baa mɔk jaat nba baa lol linba n paak. ⁶¹ Kaagbennu a gbat baa suki maa, baa lol linba n paak. ⁶² N datai piak n maan, nan baa lol in linba npaak. ⁶³ Gotl bii dɔl yiaɔk tan fiil sannyiaɔk ni : B dia min na k yiin yan i. ⁶⁴ O kaagbennu a tan dat b tuba ki li tie ninbaɔk paak nan baa tun linba. ⁶⁵ A te k bin kɔnŋ dindann b pala ni, k luu a mɔpol b paak. ⁶⁶ O kaagbennu a wei beli'b nan utuol k buontib tingbouŋ na paak.