¹ K be k yonmdaua din donne wutuol k te k sanpaagbana, piin Siiɔn bipobii . U te k Siiɔn mokint bonciann biil k u nyɔlk nyik u ŋaasakak na. Daal nba k u be wutuol ni na. ² K yonmdanua biil, Juda digbanbit kul k ninbatinnu ka k bit joanpaala nba guu doi ne, k te digbann na nan l bat nba dii fei. ³ U be wutuolin ni k biil Islael tieb panŋ buli-buli. U yet wun sonmit yuo nba k t datai baal na, k fiil t paak nan muu na, k buont bona kul. ⁴ U tɔ u pienii na ti paak, k l tie nanu tie t dataak na, k kpii binba kul k t nunm gboob k tuu maant t pala na. Seluusaalenm na ni k t bann u wutol nba t paak bianŋin ba . ⁵ Yonmdanua biil Islael nan tie b dataak na. K te joonpaala nan nijana ŋei kpant langbent. K te pal biil nba kan gbenn daal Juda tieb paak. ⁶ K yiel ŋasaakak nba k t jiantlua l ni na buli-buli . K yonmdanua te k b tanm kasii daal na fuon daa ne k kpanbal nan manntieb kul la wutuol nba duo b paak bianŋinba. ⁷ Yonmdanua yeet u malunŋ binbintl na k bia biil u kasii ŋasaakak na waa, k te dataak ne yiel juona na k b yikin a b la nyannu, sianminba k t tuu jiantl yonmdanua k mɔk palpienn na. ⁸ Yonmdanua k lol nan Siiɔn jua na ne n baa, u bikin li yalmu Saak nan l saa biil fas fas. K l di fuok nan l juona na kul ji bial tie lanbgont. ⁹ K l gana na pii tangbina ni, k gancataa ne jin buli-buli . K lenŋ kpanbal nan li nijana na ne ji tie yonmi digban gann ni. K sɔk ni nba jik k laat yonmdanua sennii na. ¹⁰ K Siiɔn nikpel na kal tinŋ ninŋ suoo, k ŋmin. K puk tanbinii k b yula paak k bia lia bɔtociat k sapaanbit ne tinbin b yula ne tinŋ nan fei. ¹¹ K n ninbina j bak na mɔnii, k n kpakin nyann. N ji baak nan ninbaatil, k lman n niib nba kpo ne paak k n waat nan sanpanti kpenn duo na sɔnjot ni. ¹² K b yien b naa nba aa, jiet na nyun be lee? K baa sɔnjot ni nan b la danŋ ne k ji kpenn b naa nba nii ni. ¹³ N saa paaba bee? N saa nantaa nan bee? Nlee k n saa maan a pali? Siiɔn si paanbi k, A biilu na yab k tie nan mɔkgbenŋle nba tuu yab bianu nba na. ¹⁴ A sɔkinii nba na ji k mɔk sial, k saa beta see bin faal faak kuukua. B mɔmaan ne kpan nae , bi ki paak fiit b tunbiit na. B te ka k mi nan li kpaatalas nan fin lebt a binbenŋ. ¹⁵ K niib nba gaal u buol na yisma, b pakin yul Seluusaalenm sapaanbit biit na paak, k yien'a digbanŋann e nae? ¹⁶ Duo nba k tingbɔnŋ na tuu dontil u mɔnŋ l paak nae ne? A datai kul mian b mɔi, k salk ta k yien'a t biilila. Daal nba nae k t tuu guu . ¹⁷ Yonmdanua ponŋ tun waa lol a wun tuun linba na waa. U biil te k ninbatinu kaa nan waa din wanni sianyoo bianŋinba na . U te k datai na la nyannu, k t bi kpanm t biilu ne paak. ¹⁸ Ii mɔ ninbatil yonmdnua po, Siiɔn bonpobii jona n fabin, A te ki nin nyuut-ii puub nan mɔkl na Yennu nan nyiɔk k tan banŋ. ¹⁹ A tuu fiil nyiɔk kul kii fabin ki tien yonmdanua. A loot a pal, k bal mua k wuu mɔk ninbatinnu a waas nba kpenn kɔn sɔnjot ni li kul po na paak. ²⁰ Yonmdanua gotil lii. Bee k a mantik daal t tuuba nna? Puob ŋman b waas nba k b loomm na nante. K b kpi manntieb nan sɔkini nba a ŋaasakak ne ni. ²¹ Nipaaunŋ nan nikpela kul dua sɔnjotin k kpo waa, k datai juk banjai na kpii naasinm nan sapaanm, k a kpiib, k k mɔk ninbatinnu nanm daal nba k a wutuol do na ni. ²² A yinn a datai k b lintin k tie nan baa tuu yiin janm dinu na. K sua kaa k saa fit cial paak a wutuol daal ne ni, b kpii n waas nba k n wubilib k loomm ne waa.