¹ T salin nyinnyila na jii biil e; k yenjiantu ŋasaak na tana yat k dua sɔnot ni. ² Siiɔn nasinm na tuu mɔk nyuat nan salima nae k tulit , k mɔtana k b ji diab nan yɔboba na . ³ Naa munaaŋ mɔnŋ, u tuu muant u bonbiit, ŋaan k niib na ŋalin tie nan naamianŋ na, k ton nan b bon bilaa. ⁴ K b te sanpantii kpenn kon nan nyun nyukulu; k b waat na mei jiet , ŋaan k suo k tienm. ⁵ K niib nba tu dii jeŋant na ji kpenn kon sɔnjet ni, binba tuu be b yanma ni nan jij ŋakitl, k kpann jiet tanpena paak ⁶ k niib na la tubdatu, k cie Sodom tieb nba din la tubdatu k l nyii Yennu buol yienma na. ⁷ Tondanm na din yien k k mɔk jɔknt nan sakanaa na, k bia pienn nan naabiin na, k b gbanant mɔk laafia nan fant nan panŋ bonciann. ⁸ ŋaan mɔtana k b dua sonjɔt ni k kpo , k b numm po wob bonn k b gbanant kul k tie nan daa kuot na. K tab b kpaaba paak, k sua kan fiit ban nib. ⁹ Binba din kpo tɔb ninŋna yal din sɔ k cie binba din fo ŋaan kɔnŋit jiet k tan kpenn kon li puol po. ¹⁰ Biilu nba din baal n niib paak na din bii paaa, k mɔk jaŋman -suoluk , k b naanba tan tat ŋaa b waat k ŋman. ¹¹ Kaagbennu yan yet'a, k u wutuol do bonciann Siiɔn duo paak, k u juol muu kl l di buont. ¹² Tingbounŋ na kpanbaala, nan duna niib kul din k tuo tien yada nan datai saa fit kua Sselusalenm tanmɔi na ni. ¹³ ŋaan l din tan tunme, k maan Yennu sɔkini nba manntieb nba yit saali din tun yanbɔnm, k kpi binba k tun tuonbiit na waa. ¹⁴ K duo na tondanm lin k yilib sonjɔt ni, nan b tie juaniie nan k tie son gbalit, k sua kaa k saa fiit sii b tiat i. ¹⁵ K niib na ji tant b paak a, "sietil man. Ii jɔkn ii mɔnŋa; ii da siitit". K b ji lin yilib, k nyi digban yenn k tuatil liel po, ŋaan sua k ganm saauŋu. ¹⁶ Yennu wutuol do k fiil b po, ŋuae yatib u tiɔnŋ, k ji k cɔlin b sali yitilaa k bia k tin nikpelaa ninbaɔk. ¹⁷ T daan guu sonmil e k t ninbina tan mɔnn, k bia daan niib paak ŋaan k b k nyinnit, mabl ni. ¹⁸ K datai na gɔklit, a bin tin da tuni t kannun; k daa tan gbenne k t yuo n nakin k bilu baal t paak. ¹⁹ Binba daan cakint na kaki k gaal kɔnbacienn nba tu kua sapagbanaa nia, k pinkint nan jual ni, k bia bilit balit fual ni. ²⁰ K b suol wun nba k t manfuol dindann be u ninŋ, wun nba k kaagbennu gannua ; k u tie daanɔ nba k t dindann be u ninŋ, u saa guulit k tin nyi binba saa lekit na nuu ni. ²¹ Edonm nan Ut tieb Ii pala i man k yi be kpinkpanmuk ni! Ii mɔk palman man ya daa mɔk yak na nabituk na mun batiee; a tan saa yolib k miat a mɔnŋ k tan yotkit a mɔnŋ li yann. ²² Siiɔn tieb , Ii biit na pii na; Edonm tieb, b ji kan jia dabit , b saa dat a tubil a biit paak k nyinna biit panu ni.