¹ Yennu nba din senn Islael tieb sennu nba a ii kua na, niib na din ki dia sennu na, yuo nba kibindin yent Yeliko duo na. Jasua din be ki bi yin Akan, u din ki dia sennu maŋi. Li paak ki yennu wuntuol duo Islael tieb paak. Akan din tie kalmi bijae ŋaantie sabdi yabuonn, ki nyi sela naakuuk ni, ŋaan tie juda buolu. ² Ki Sosue tun Jasiab ki bi nyii Jeliko ki saan Ai duo nba be betel yendo po, ki kpia nan Betanfann nae u din tulib mɔbe a bin saan ki saa ŋmaa tiŋ na. Baa tum nna ki gbenn. ³ Ki bi nmat ki saa wann Sosue baa la biaŋinba a, li poŋ ki kpaa talas ki ti kul n saan ki saa lek Aï, liki tie duo nba yab kaa, tumm niib tuta ŋanlee kuo ŋantaa. ⁴ Ŋannee Islael tieb na tie nan tuta ŋantaa na ki saan leŋ duo na. Ŋaan bi din tan ciale ki ŋmat. ⁵ Ki Aï duo ni jab na weib, ki bel nyinnib duo na ni, ki fɔkit namm ki saa baal siaminba bi koi tana na. Aï jab na din kpii Islael tieb nan pintaa nan banluob nae. Yuo nba kibisiik jual na. Jaŋmaanii din suol Islael tieb nan bon ciann, ki bi ji ki mɔk palcienn. ⁶ Li yuo na ki Sosue nan Islael tieb tuandamm na pat pat bi liant nan wutuol. Ki baa faab tiŋ ni, yennu mɔlɔl lakil na buol, ŋaan pakin bi yulatent ki saa tuu dajuok. ⁷ Ki Sosue tan yet a yebint yennu, bee ki t a daan jiit ki puot nan t Juldan mɔki ki baa nant nna? A daan luon fan tan jiit ki tul Amol tiebe ki bin biilitee? Tii daan ni boe be Judan mɔk puotil na po. Kaa sɔ a! ⁸ N yomduonɔ n saa yeta bee mɔntana nbaki Islael tieb datai tan weib ki bi cial ŋmat na. ⁹ Kanaan tieb nan binba kul be tinŋ na ni saa gbot linba nawa. Bi saa tikil ki loonte ki kpi ti kul li saa tien nlee ki a sann n la baakili? ¹⁰ Ŋanne yennu yet Sosue a, fiit Bee tien kadua tiŋ ni nna? ¹¹ Islael tieb tan biil mɔlol nba kidaan sennib maa bii dia nawa. Bi jii bona nba ki n daan yet maa bin bil na yenn nbawa. Bi Jame ki faa faak ki jiin bona maŋ paak ki jiil ki pukin bi tiat ni. ¹² Ŋanne tien Islael tieb na fit took bi datai. Bi cial bi datai buol. Ki maan bi mɔŋ ji tie man biilibe. Yii kii biil linba kul ki u daan senni nan i daa jikt ŋaan kii tan jiina, n ki be nanini. ¹³ Fiit ŋammitniib na ki tiemm siil ki baal n buol yetilibe. Ki bin won tie siil, kimaan min Islael tieb yomdaanɔ yennu yaa man pakib linba nae a. Islael tieb, linba ki n daan senni na i bil-na yenn nba be i mɔkint ni i kan fit Took i datai, sie ki i tan nyinn bona maŋ. ¹⁴ Li paak, yetilib nan wonn, bin wan baal n buol, buolu, buolu. Buolu nba kin ŋann, ŋamme saa baal tuann po. Naakuuk, naakuuk ki naakuuk nba ki n ŋann ŋamme saa baal tɔnn po. Ŋaak ŋaak ki ŋaak nba ki n gann, ŋamme saa baal tuann po Jayenɔ yenɔ. ¹⁵ Jua nba ki n gannɔ, ki la bona nba ki daan yaa bin biil na u buol bi saa joo ŋua nan u ŋaatieb nanbona nba kul ki u mɔk muue. Kimaan u baal nan fei Islael tieb paaka, ki bia biil n mɔlol nawa. ¹⁶ Ki li yent sanyapob ni, ki Sosue te Islael tieb buolu buol baal, ki yennu tan gann Juda. ¹⁷ Ki u te Juda buolu na baal Naakuuk Naakuuk ki yennu ŋann sela naakuuk na, ki u te sela nankuuk na baal ŋaak ŋaak ki yennu ŋann sabdi naak. ¹⁸ Ki u te Sabdi ŋaak na baal, Jayenɔ yenɔ, ki yennu ŋann Akan, wunba tie kalmi bija ŋaan tie Sabdi yaabuonn na. ¹⁹ Ŋanne ki Sosue yetɔ a, n bija pakin mamɔmm kul, Islael tieb yomdaanɔ yennu buol ni na ki wann a biit pakimin linba kul kaa tun. A daa bɔlin siali. ²⁰ Ki Akan jiina, li tie mMɔniie. N tunki biil Islael tieb yomdaanɔ yennu wa. linba ki n tun tie nnae. ²¹ Bona nba ki ti daan fat nani, n daan la liatil nba ŋan bonciann, ki bia la liki tana nba kpei nankobi ŋanle na, ki bia la kut nyin nyila nba k e u tien pivnŋ mu, ki n nian kuan leŋ ki n jii li pii n lanbonŋ sunsukni, ki likili be li tiŋ po. ²² Ki Sosue tuu jasiab, ki bi cial saan Akan lanbouŋ na ni, ki saa la linba ki yennu daan yaa bin biilil na, ki li set pii leŋ. Ki salimpienna be li tiŋ po. ²³ Ki bi Jiil k saan nann Sosue nan Islael tieb na kul buol ki saa bilil yennu tuann. ²⁴ Ki Sosue nan Islael tieb na kul suol Akan, ki jii salimpienna nan salimmɔna laaku na, ki pukin u bojai nan u bonpoi, nan u nei, nan bonii nan u pei nan u lanbouŋ, nan linba kul ki u mɔk, ki saan namm nimɔnn baauk ni. ²⁵ Ki Sosue saa yet a, bee kaa baal nan ninmɔbuolik na ti paaki? Yennu saa te nimmɔnn n baala mɔtana ki niib na kul jaat Akan tana ki kpiu, ki bia jaat u ŋaatiebki kpiib, ki juo ŋamm nan bi mɔkit kul muu. ²⁶ Ki kpekin Tankɔluk u paak ki li kpa, leŋ nan dinna. Ŋanne tien ki bi bia daa yi leŋ nimmɔnn Baauk ki yennu wutuol ji maak.