¹ Seliiko din tie duo nba k b maa guonjale k lint k tan luon gann l tanmɔb, k sua kan fit kua, n naii kaa, k fit nyi. ² Ŋaan k kangbennuk, yet sosue a: N saa jii seliiko duo nan u kpanbal, nan b sajem nba ban kunkɔnn kul k tien a nuu ni, k fin lekb, k kɔn nyannib. ³ Fin nan a kunkɔnkɔnna na tuu saa somm k lint duo na taa yeme, daal kul ni, ki tan tuu daa ŋanluob. ⁴ Mantieb banlole-e tuu saa gaat molol lakil na nunŋ po, k manntua kul ii diau naantunn, ŋaan daa ŋanlole daal na, fin nan a niib na, n som k lint duo na taal munlole, k mantieb na-ii peeb naatunnaa na, kii lintl duo manŋ. ⁵ Yoo nba k mantieb banlole na peeb naatunaa na k lintl, yoo b k ii gbat natunnaa mɔnii k l duo, a niib na kul n fil k yikin na kun kol palil sanpaapo wa, k b guonn na saa jek k baatinŋ ni. K sua kul ji saa fit kua k lek duo manŋ. ⁶ K nun bija Sosue, yien manntieb, k yet b a bin jie molol lakilna, k manntieb banlole mun nin jie naatunaa ŋanlole, k gal molol lakli na liek. ⁷ K u bia yet u niib na a: Kunkɔnnaan n liet liik nan jat tiat na, k manntieb nba dia naatunna na ii wa, k binba jii molol lakl na ii waa, k tin som k lint duo na. ⁸ Sosue nba pak n na k gbenn k manntieb na fiil nan b naatunnaa ŋanlole, k saa a bin som lint duo na, ŋaan sua k kunkɔnkonnaa nba dia jat tiat na gaal b liik k b mun waa nan b naatunaa nba mɔ k do sapaapo, k b fit waanan molol lakil na b puolpo. ⁹ Kunkɔnkonna na nba din be niib na liik pona, ŋaa b liib bia din bial k waa molol lakl na puol poe nan jatitiat k guub, k naatunna guaal. ¹⁰ Sosue din yet niib na a: Ii daa yiikin wuyiknii, sua bia da piaak sial, ii kul ii som ŋminŋminn, kaka nan daal nba k n tan sa tul mob k yet ii a: Yikinnin, wu yiikinnii sanpaapo man. ¹¹ B din lint nan kangbennuk molol lakil na duo manŋ yome, k tunn nann kanŋ ni, dacincinn daal, nan laa tan fann sinnyiɔk. ¹² Laa yent gbenn, k sosue fiil , k te mantieb na jii molol lakil na, ¹³ K manntieb banlole nba dia naatunnaa na gaal liik k peeb, k kunkɔonnaa na yem be b liik, k liib bial kangbennuk molol lakil puol k guub k b fit som k saa. ¹⁴ B din som lint duo na yom kukuae daaŋanle daal manŋ paak k tunn nan lakil na kanŋ ni. B din tun n nae daaŋanlob manŋ kul ni. ¹⁵ Daa ŋanlole daal, k b danŋ fiil sinnyafanaa k som lint duo na taal fuonu munlole, nan kangbennuk nba wannib bannu nba na. ¹⁶ Baa lint duo na, k tuu tan ceb, k tan baal munlole paak yoo nba, k manntieb na mun pied naatunnaa na, k Sosue yet niib na kul a: yiikinin wuyiknii nan panŋ man, k maan kangbennu, jii duo na k tulit aa ! ¹⁷ Kangbennuk saa biil duo na fas, nan linba be duo manŋ ni kul, ii daa kpipuo jantonn, laab, nan binba be u ŋaak ni, k maan wa daan bɔl t dobiitieb nba k t daan tum duo manŋ ni na, l paak ii daa siitib. ¹⁸ II da jiit linba k ii biil duo manŋ ni nan! yenn kua wa, ii daa siit. Lii tie k i jii sial, i sa baal nan danŋ, nan biilu Islaael kanŋ ninŋa. ¹⁹ Linba kul k b jii lik kut, n naii ka kutmont, n naii ka salinpiena k nan , l tie kangbennuk, yennu yale, k l tie lin jii saan kuan yennu bonnaa binbɔl buole. ²⁰ Manntieb na nba peb naatunnaa na, k niib na nba gbat naatunnaa mɔnii yoo nba, k b pien yikin sanpaapo, k duo na guonnaa na kul baa-baa. L yoo na k kunkɔonnaa na duo jual na paak, k kua dua manŋ ni, k lekib, k nyannib. ²¹ B din jii b juk fuat nae, k waa su niib na k kɔtib l lunn, l jab, nan l puob, nan waas kul, b din k luat sua, nan b neii, nan l peii, nan l bonii kul b kpi lunn. ²² K Sosue yet jab banle nba daan saan duo manŋ ni na a: saant puo jantonn na ŋaak ni man k tan nyinn wua nan u ŋaatieb nba be u ŋaak ni kul, nan yaa daan senn ii mosonn bianŋinba na. ²³ Ŋanne k dobiitieb manŋ saan nyinn laab, nan u baa, nan u naa, nan u ninjamm, nan u niipuob, nan u ŋaatieb kul, k saan bilb kanŋ kpinŋ. ²⁴ Baa nyinnib gbenn, k b juo duo manŋ muu k l dii duo na kul nan linba be lenŋ kul, ŋaan jii salinpienaa, nan lik kutaa, nan salinmonnaa k saan kuan yennu bonnaa bunbɔl buol. ²⁵ Kpanbal Sosue din jii puo jantonn, laab na k saan bilɔ u baa ŋaak ninŋe, wua nan u ŋaatieb, nan linba kul ku mɔk na kul, b ji din be Islaael dobiitieb na paak. ²⁶ L puopo, k kpanbal Sosue ji pol k yet a: wunba kul bikin a wun ŋamm k maa seliiko duo na, u sii b yennu motont ni. Wunba kul fɔkin l fiakl, u bija saa kpoe, k l danua bia saa jii u sanbiann manfuole k papann, waa maal tanmɔbii na paak. ²⁷ Kangbennuk bo be nan Sosue, k te k u sann tant tinŋ na kul po.